✔ 最佳答案
南京大屠殺指侵華日軍響1937年12月13號攻陷中國首都南京至大概1938年2月,喺南京城區同郊區犯嘅戰爭罪。
日軍開頭藉口要消滅偽裝成平民嘅中國軍人,捉左好多無辜嘅平民來殺。後來演變成大規模屠殺、搶掠、強姦。
南京大屠殺嘅過程同死傷人數至今仍有爭議,其中遠東國際軍事法庭認定至少20萬以上,中國學者考證為30萬以上,而日本學者之研究則眾說紛紜,難有統一定論。
在中國,南京大屠殺往往係國民對日本右翼為侵略歷史翻案嘅關注焦點之一。在日本,公眾對南京大屠殺嘅認識卻存在著廣泛唔同嘅情緒同觀點,尤其係日本極右翼份子,認為南京大屠殺係被誇大、甚至係憑空捏造嘅反日外交工具,都有人認為否認南京大屠殺係歷史修正主義、否認主義嘅表現。由於日本人對南京大屠殺嘅意見有著廣泛嘅分歧,因呢視乎講話者嘅觀點,南京大屠殺可能被稱為「南京大虐殺」、「南京虐殺」、同「南京事件」等。對南京大屠殺嘅認識,係中日關係中存在嘅重要問題之一。
南京大屠殺在日本叫做「南京大虐殺」,都叫「南京虐殺」、「南京事件」。英譯則為 Nanking Massacre(南京屠殺)或 Rape of Nanking(南京嘅強姦)等,但往往人民對其嘅認知遠唔如對納粹嘅種族滅絕過程嘅認知。
http://zh-yue.wikipedia.org/wiki/%E5%8D%97%E4%BA%AC%E5%A4%A7%E5%B1%A0%E6%AE%BA