我個鼠鼠死左,我要知死因。鼠鼠食屎係唔係醫

死既時候身體凍同硬,係因為鼠鼠已經死去,冇左體溫(未死就死都會較凍),並唔代表咁就即係凍死既,而眼凸,好多時鼠鼠死時感到痛苦,眼都會掙大,咁就會似,又或本身佢眼疾問題,當然都唔排除因凍而死,只係唔可以話佢死左之後凍就話佢凍死
鼠鼠平日都會叫,但因為音頻唔同,所以平日既叫人係唔會聽到.而當鼠鼠叫到人都聽到既時候,多數因為驚同痛苦,所以聽到鼠鼠叫千萬唔好唔理

唔知除左隻眼既問題仲有冇第d問題呢?同一籠有冇第隻鼠一齊住?而眼白色係咪好混濁咁既白?知唔知眼點解會咁既呢?鼠鼠身體有冇第D外傷?排泄物又有冇異常?

A.只係得眼白呢一點可以用唻推測鼠鼠死因,實在唔太準確,或者你可以再補充更多資料我會再補助充,暫時資料唻睇有以下既可能:

1)打交
如果有第隻鼠同一籠,就可能有打交既情況出現,鼠鼠眼被打受傷,如果唔理,就可能會被細菌感染
加上有第隻鼠同一籠會令鼠鼠感到壓力,又會令鼠鼠受驚,受驚可大可小,會誘發疾病

2)整親
眼白可能係整親眼,要睇返個籠有冇d咩野會整到鼠鼠,以免日後用返個籠再養既時候會整到之後既鼠
正如之前咁講,眼有事唔理係會有細菌感染既可能

3)衛生問題
眼有事都可能係唔夠衛生而做成,衛生唔好就好易令鼠鼠唔舒服

4)凍or其他疾病
天氣轉涼都會令鼠鼠有機會患感冒or凍親,咁就要睇返鼠鼠死之前會唔會有感冒之類既病徵
感冒係會有鼻水,呼吸困難,唔食野唔飲水,仲會好累,甚至會流眼水
如果連同打冷震,打乞嚏既話,嚴重起唻會係肺炎

另,眼白如果係混濁既話就可能係白內障,但白內障係冇得醫既,但就唔會話一星期就令鼠鼠死去,所以就機會較細

B.鼠鼠食便便唔可以醫病,但就對鼠鼠冇害,仲有益添
好多食草既動物都會有呢個行為,因為食左草or其他食物之後,好多營養都未被吸收就排出,但佢地又唔識得好似牛咁吐返出唻再食所以就會食返自己既便便,去吸收維生素B同K,同時排泄物中既礦物質都對身體有益,咁樣食返自己既排泄物仲易吸收

但而家既寵物都有好豐富既食物,所以呢個情況其實已經好少發生,更加冇必要要令鼠鼠食返自己既便便

2007-12-02 20:20:29 補充：
就算鼠鼠好少打交,打一次都足以致命,睇唻你隻鼠似係打交受傷之後死既,你兩隻鼠仲一齊住既話,最好分開佢地,唔係有機會忽然打死晒都唔出奇,就算打唔死,受傷or受驚都唔好啦,建議一籠一鼠既原因可參考以下我回答既知識:http://hk.knowledge.yahoo.com/question/?qid=7007112603412你講既野有d唔明,朱古力鼠係指咩品種?同埋死左既鼠點打新既鼠?

2007-12-03 01:46:00 補充：
我真係睇唔明白呀,搵埋我女友幫手睇都係睇唔明,可以講清楚少少嗎?新買既鼠怕死既鼠?呢句我有冇理解錯?但已死既鼠應已處理,唔會在籠喎,定係怕第隻鼠?假設死左既鼠叫1,同死左既1一齊買既叫2,新買既叫3,咁即係3怕咩呢?其實邊隻怕邊隻都好,鼠鼠都真係獨居動物,加上已有打交既情況,建議你真係分籠,一籠一鼠而朱古力鼠即係咩品種既鼠呢?小銀孤,小灰霸,小紫王,小露寶,熊仔鼠,杏倉之類

2007-12-03 23:50:47 補充：
銀孤唔係短命d,都係大約兩年命左右原來係死之前成日整新既鼠,即係3隻鼠曾經一齊住過,後來先係變返2隻同樣好似我之前所講既咁,打交多少其實唔重要,因為就算佢一世只打過一次都可能受傷or死,所以最好分開佢地啦

應該係涷死...因為天氣轉冷 你都幾好野啵=.=佢死左你都敢按牠
食屎...係唔可以醫病 因為屎只係一d由身體入面排出既廢物(excretion)

仲有 , 你講既 [ 鼠鼠 ] 係唔係指倉鼠 / 老鼠 / 白老鼠 ?