粵語流行曲真會如黃霑博士所言，變成如此嗎？

未必如此。最少，在十幾二十年內，亦不會如此。
文化，尤其是流行文化，最重要是社會上有沒有足夠的「自由」讓其發揮。能夠讓「自由」失去的，有生活上的壓力，有政治上的壓力。在自由多、壓力少的情況下，創作人便可以有更多的創作出現。
香港就算真的被「邊緣化」了，經濟比廣州、澳門遠遠地超過了，香港人也不會再需要因為「糊口」問題，而被迫日做夜做，連參與創作、享受生活的自由都完全沒有的。最多，將來的香港會變成如現今的法國、意大利一樣，有十多個％的「無業遊民」不事生產而已。因為香港有社會保障制度，加上香港現存的經濟實力，在十幾二十年之內，人們再遇上「生活迫人」迫得連娛樂的空間都沒有的機會，很微。只要香港人有娛樂的需要及能力，便會對粵語流行曲有需求，便會有人為了滿足這些對粵語流行曲有需求的人去參與創作的。
另外，香港在文化的創作方面，在十幾廿年內，都較中國內地各大城市有著較強的優勢，如言論自由、接觸外界資訊的自由等。而這個優勢，是在短時間內，中國內地各大城市難以追得上的。
無可否認的一點，「普通話」流行曲的創作，有較大的利潤及潛力，這樣會讓很多有實力的填詞人多寫一些「普通話」的歌詞，而減少創作以「廣東話」為主的歌填。而文化（包括音樂文化）能夠持續發展，其中一個關鍵的因素，是多與人交流。但就算「粵語流行曲」的創作少了，也不代表會完全停止創作。就算香港的樂壇將來如今天的中國各大城市一樣，以「普通話」流行歌曲為「主流」音樂文化，但亦必如現今的上海、台灣、廣州等地，繼續有本土話（廣東話）的流行歌曲創作的，因為需要聽粵語流行曲才能滿足的人亦不少，因為香港以粵語為主導的市場亦非常龐大，不會被愛賺錢的生意人完全忽視的。
而粵劇大戲，其實，可以視之為當時的「流行文化」、當時的「粵語歌曲」。只要有市場，便會有人創作。只要有創作，便會繼續發展。在流行曲普及之前，還不是有南海十三郎、唐狄生等著名的粵曲創作人為粵曲的創作帶來新的高潮嗎？而粵曲的未落，就如西方的歌劇一樣，是被「流行曲」之較易普及、較易創作的音樂文化所取代的。除非，有另外一種音樂文化，較「流行曲」更易普及、更易創作，否則，粵語流行音樂，不會成為古董的。
至於，數十年後、數百年後，便難講了。或許，「流行曲」可以比喻為「白話文」，「粵劇大戲」、「京劇」、「歌劇」可以比喻為「文言文」。今天，「文言文」已經成為了「古董」，因為實在難以普及、難以創作，以致難再發展、再普及。香港今天要與中國接軌，要多點以「普通話」來寫「白話文」，但只要香港人還未忘記自己的母語－－廣州話，以廣州話來「我手寫我口」的「白話文」創作儘是越來越少，但還會繼續存在的。除非，沒有再以廣東話來寫「白話文」吧；除非，有較「白話文」更易學易寫、更容易普及的「表達方式」出現吧。

2007-12-03 18:09:10 補充：
再以香港的電影業、電視節目創作業為喻，不少香港的藝人及創作人，都被潛力巨大的國內同業所吸納了。但因為香港有創作上的優勢（即以上所講到的濟經能力所給予的生活自由及遠較中國內地、台灣、新加坡及東南亞國家為開放的創作自由），以香港故事、香港文化為重點的「高質數」電影、電視劇，亦有不斷的創作推出，如杜其峰的《黑社會》、《放逐》等及無視的《溏心風暴》、《通天幹探》等。

2007-12-03 18:15:23 補充：
只要香港的音樂創作人、填詞人，能夠找得穩自己的優勢及賣點，在「知音人」還為數極大的時候，繼續願意用心地創作出動人的粵語流行曲。這樣，不單能留住香港的「知音人」，可能，粵語流行曲將能繼續如以往般，能夠吸引到不會粵語的中國同胞、外國朋友，被「高優素」的粵語流行曲吸引著，讓粵語流行曲不會被化為「歷史」與「古董」。

2007-12-13 15:52:53 補充：
再補充一點有關文字的演變：起初是結繩記事，之用有象形文字，再之後有甲骨文。到春秋戰國時，各國都有不同的文字，而不再用甲骨文。秦朝統一了文字。就算秦朝統一了文字，是一個極之偉大的創舉。但當時使用竹簡來書寫記事，今天以竹簡來書寫的方法，不單變成了「古董」，更不會有多少「精英」再去「重演」或「欣賞」這一「古董」方法了。以上補充，只是想講下，任何的表達方式，都有「興衰」，都會有「絕跡」及成為「古董」的一日。實不足為奇。

2007-12-21 03:15:21 補充：
支持的人多嗎？
我會是唯一的支持者嗎？

支持自己，對自己的肯定，是讓我努力向上的動力之一，亦是唯一能支持自己繼續生存的原因……

眾裏尋他「已」千百度「了」，驀然回首，那人「會否」「只」在燈火闌珊處「呢」？

大佬呀，黃霑果一句野，按《李天命的思考藝術＜導論：語害批判的實效架構＞》（《李天命的思考藝術》P.102，作者：李天命，出版：明報出版社，１９９９年１１月第３４版）當中有些「語意曖昧」的問題。

首先，呢句：「已完全失去從前的優勢，未來或許只能像粵曲一樣，成為古董式的精英文化，在高級文化場所變中國曲藝來演出。」有兩點：
Ａ）「（粵語流行曲）已完全失去從前的優勢」；及
Ｂ）「（粵語流行曲）未來或許只能像粵曲一樣，成為古董式的精英文化，在高級文化場所變中國曲藝來演出。」

而以上兩點，有沒有「因果」關係呢？定係兩點都係「互相獨立」存在而又「互無因果」嘅論述呢？

第二，在Ｂ）點中，所提到嘅「未來」一詞，指嘅係十年後？廿年後？一百年後？五百年後？一千年後？真係好含糊囉。好似兩、三千幾年前，孔夫子年代所「唱」嘅歌－－《詩經》，在漢朝果陣時（兩千年前）已成為「古董」啦。而漢朝果陣時興嘅歌－－樂府詩，到左唐朝果陣（千五年前左右），已經成為「古董」啦。而唐朝至宋朝（幾百年間），所興嘅歌又唔同左路喎（唐朝作詩，宋朝作詞）。而大戲同埋章回小說講古佬大約由元朝果陣時所開始興。明、清果陣，民間除左興大戲之外，仲有呢個對聯呢家野喎。而幾廿年前，南海十三郎同埋唐狄生寫左好多好經典嘅粵曲大戲，佢地又諗唔諗住到幾廿年之後嘅今日會變成左「古董」呢？

其實，戲曲、流行曲，本身就係一種「傳情達意」嘅工具黎啫。就好似呢個文言文、演義小說、八股文、白話文、ICQ-Email Language (如886, cu, asap, 岩 5 岩、硬膠之類)、香港女士專用之「火星文」（我都唔知「火星文」有乜野例子，因為我睇唔明）咁，表達工具呢野，就係不停咁樣變架啦。以前嘅文言文，今日已經成已經歷史啦。而我地讀書果陣時學果Ｄ白話文，而家好多學生哥已覺得係「古董」野啦。而粵語流行曲，一定會喺「未來」成為歷史個喎，差就差在唔知道黃霑所講嘅「未來」到底係幾時咁啫。「未來」呢家野，咪好似香港嘅「雙普選時間表」咁囉，鬼唔知「未來」一定有咩？差在係２０１２、２０１７定２０４６咁啫。希望唔會遲過２０３６靈芝孢子啦。

第三，「會成為古董或歷史」係一回事，會唔會喺「高級文化場所來演出」，又係另外一回事。而家西九都未起，香港嘅粵曲嘅表演場地到底有幾高級呀？連馬戲團都可以去紅館做ＳＨＯＷ啦，粵曲又得唔得呀？粵曲最多咪喺排隊輪Ｄ政府大會堂呀、又細又舊又殘嘅油麻地劇院呀、又好鬼唔就腳又細到無輪又殘到無輪嘅山頂劇場（好似係九龍城，去過次睇Dancing Quiz）呀咁囉。真係好似外國Ｄ歌劇院咁「高級」呀？真係唔覺粵曲嘅表演場地高級囉。灣仔會演呀、紅館呀、利舞台（Lee Theater）呀，呢Ｄ先叫做香港嘅高級表演場所喇。但係，而家嘅粵曲嘅表演場所，又有幾高級呀？

第四，成為「古董」嘅表演文化，都唔一定係「精英文化」。好似大陸好多已經成為歷史嘅表演，好似小數民放嘅歌舞表演、蒙古嘅長調、少林功夫咁樣，咪又係好多時都係求求其其咁搵個地方表演俾Ｄ遊客睇囉，果Ｄ所謂嘅民族文化村，就連東莞嘅夜總會都不如啦。我仲記得有次咁女朋友去深圳嘅夜總會畢打奧玩果陣，果度都有好多呢Ｄ咁嘅「歷史」表演啦。在夜總會都有得出賣嘅「古董」表演節目，都算得係「精英文化」咩？咁我真係要多Ｄ去夜總會蒲，「明正言順」咁做個「名副其實」嘅精英喇，因為可以吸收多Ｄ「精英文化」丫嘛。

雖然我都係黃霑嘅Fan屎，細細個就唔訓覺去追佢嘅《活色生香》，但係，從以上幾點，我都真係要學下霑哥嘅寸工，真係唔夠夠膽鳩同佢呢個講法囉：「（粵語流行曲）已完全失去從前的優勢，未來或許只能像粵曲一樣，成為古董式的精英文化，在高級文化場所變中國曲藝來演出。」

本身，黃霑呢句野，就有好多問題存在，會唔會好似佢咁講，睇下你點樣幫佢兜囉。你識得曲都可以咬返直嘅，冇話唔得架。霑哥出左名口才了得架啦。我相信，如果佢仲在生嘅話，一定可以駁番我轉頭個喎。可惜，霑哥走大之後，香港又少左個才子喇……唉……

2007-12-13 00:22:05 補充：
霑哥生前成日咁讚自己：「駁咀係我最『撚』手嘅本事。」記得，佢返翻去無線無耐，有個現場節目係同埋汪阿姐一齊演出嘅（好係有煮野食嘅情節架，因為佢提過「『撚』手小菜」一詞），佢喺果陣現場節目裏面憶述過，之前轉過去亞視嘅原因，係因為果陣時嘅無線高層唔俾佢發揮佢最「撚」手嘅本事。（註：霑哥好很鍾意用「撚手」呢個詞，每次講到「撚手」呢個詞嘅時候，佢都會將個「撚」字讀大聲Ｄ、讀長Ｄ黎加強語氣。）

我都覺
本地既創作開始漸無新意
樂壇也欠缺可以"淡大旗"既新人

應該要向外國借鏡 謀求改變

唔會
因為而家既流行曲同以前既中國音樂實在差別太大啦