屯門中醫邊道好?

如果係食咗止痛藥,同睇咗咁多醫生都好唔番嘅,我勸你慳番Ｄ錢,唔好睇醫生住啦！你有冇買醫療保險呀,不如攞Ｄ錢,去做吓腦掃描同身體檢查,睇吓係咪Ｄ腦血管或其他方面有問題！

我朋友個老公都係咁,頭痛咗好多年,一直只係自己食止痛藥,因為睇勻中、西醫都冇用,都只係開Ｄ止痛藥俾佢,都係唔知咩原因導致佢頭痛,到後來止痛藥越食越多,甚至乎食咗都冇用,終於頂唔順,走去睇急症,即曰要留院,做埋腦掃描,先知原來係Ｄ腦血管有事,仲有輕微嘅出血情况！醫生都話佢好彩,遲多曰入院,爆咗血管就好麻煩！

我唔係咒你,不過你自己要小心,個頭都痛咗咁耐啦,睇咁多醫生,Ｄ錢加加埋埋都應該夠做幾次檢查囉,不如攞嚟詳細檢查吓身體咪仲好,係咪？

你有冇高血壓呀？如果有你就要更加小心啦！如果冇買保險嘅,就唯有去睇急症,睇嗰陣,一定要有幾嚴重講幾嚴重,例如話連續睇咗幾次醫生食哂Ｄ藥都唔得,個頭仲好痛好痛咁,我朋友個老公都係咁講咋,唔係Ｄ醫生都剩係開Ｄ止痛藥就打發你走啦！

至於你問而家Ｄ中醫係唔係唔會比藥方,我可以答你唔係,你係絕對有權攞番嘅,而我自己睇開嗰個,直情自動比我潻,多數唔俾藥方你嘅中醫,籍口話驚你出去重複執Ｄ藥嚟食,其實多數係保障自己間藥行嘅收入,驚你唔幫襯佢執藥啫！

真係有料又有醫德嘅中醫,係唔會驚呢樣嘢嘅,你可以事前問個中醫,問佢會唔會俾番張藥方你,如果唔會嘅話,你就話唔好意思,咁我唯有睇過第二個啦,咁佢就多數都肯俾張藥方你,若然都係唔肯嘅,唔駛同佢講咁多,睇第二個啦！有病嘅係你,食藥嘅係你,俾錢嘅又係你,你一定有權利同有義務知道自己食咗Ｄ咩落肚！

一包藥可唔可以番,係要個中醫決定,千祈唔好自己亂嚟,番嘅藥,性質作用可能唔同咗,飲咗落肚唔知會發生咩事！唔好諗住可以慳少少錢,就攞自己條命嚟博！

我都有睇開成十年嘅中醫,係開藥粉嘅,唔駛藥咁麻煩,不過喺旺角或灣仔,有需要請再補充問題,我會回答你！

屯門仁愛分科診所，內有中醫科，我有朋友中風後睇得都相當唔錯，不過佢係津貼，要收費，以我所知唔係太貴，你可以問問，希望幫到你