急!!!我條魚死左,點算...

死魚處理得一個大原則：撈走死屍再搵原因。
一缸五條魚加清道夫，咁個缸有幾大？有冇一尺？有乜野設備？缸開左幾耐加魚？水溫如何？參考資料如下（都係節錄自我以前o既答案 ，但相信都o岩你用）：

不應超養，一升水約養長度 1cm o既魚，因為魚o既屎尿都係有氮化物如阿摩尼亞，呢ｄ係有毒物質，水多就可以稀釋，但魚多的話，濃度就會增加得快，高到一個水平就會毒死魚。所以超養真係有性命危險。
濾水器要有生物環同生化棉，因為呢ｄ濾材有大o既表面面積俾硝化菌附著。硝化菌會將水中o既阿摩尼亞變成冇咁強毒性o既硝酸鹽，所以濾水器容納o既生物環愈多愈好，等硝化系統多ｄ菌住o係度。濾水器o既作用，係用泵不斷將水泵過濾材，等硝化菌不斷處理廢料，最少一個鐘將全缸水循環六次。
新缸其實入水後要任由運作濾水器運作一段時間先會培養到足夠硝化菌，開缸後先只加一兩條魚，等佢地o既大小二便俾食物硝化菌，一兩個星期後，ｄ魚唔死，就表示硝化菌數量足夠，然後先可以慢慢逐少加魚。個缸愈細，加魚要愈慢。
裝備除濾水器外，最少要有氣泵（如非用頂濾／掛濾／大量水草及俾佢地做光合作用o既燈具、泥、肥、co2，只得幾條草係冇用架），仲有近日就o黎要用暖管，熱帶魚就要將水溫保持約廿五度，即係要溫度計。

魚又買左幾耐？買時狀態如何？有冇病？入缸前有冇對溫對水？死前有冇呆滯、摺鰭或病癥？參考資料如下：

新手大忌係立亂買魚，唔知魚性結果買埋藍斑馬、小王子呢ｄ惡魚；九角龍呢類食魚仔o既魚；仲有會大到成尺長o既琵琶。買魚前研究清楚，可以去討論區問下人，或上網／睇書搵下資料，千祈唔好問售貨員，多數撞板。
仲有，唔好貪得意，又買ｄ龍蝦、龜、蠑螈入缸。魚還魚，蝦就要買水草蝦，幾蚊包o個ｄ蝦有對大鉗，會捉魚食架！亦唔好買紅白色靚蝦養，一來貴，二來被魚啄你就揼心口啦。
另外就係買左病魚。新魚有病，會搞到成缸瘟疫，所以買魚要揀清楚，摺埋鰭／尾，同缸有死／病，身上有爛尾／鰭／白點／一舊發霉狀白色物體／身上一片白左色／魚眼浮腫，都要忍手唔好要。
另外，唔好貪平買袋裝魚。袋裝魚一般死亡率高，因為你唔知佢入左袋幾耐，剛入袋都可能係一有貨到就即入，舟車勞頓，身體係會差ｄ。所以最好唔好買袋裝魚，特別係個袋冇乜氣，水唔清，魚唔精神o個ｄ。
買左後，要原袋放入缸五至十分鐘，等袋中水溫同魚缸水一樣。呢個步驟叫做對溫。
然後，可以先倒去袋中部份o既水（如倒到剩返四份一袋，但當然要視乎袋size 同魚o既數目），再慢慢加入魚缸水，加完隔五分鐘再加ｄ，等魚適應魚缸水質。呢個步驟叫做對水。加到係原袋水o既約三倍，然後將魚撈出入缸，袋水唔要，以免有病菌。

所以死魚唔係只係見屍撈屍，有病的話就要用藥，呢個要你觀察下先得。如果唔係病，其實可以好簡單。倒哂ｄ水一定唔得，因為魚突然要適應全新o既水，分分鐘死俾你睇。冇養水的話，可以用清水劑，唔用的話可以用氣泵打大氣，加速氯氣消散，再換三份一至一半水。如果唔係個缸大到冇地方養水，或者因為死魚太多太耐ｄ水真係發臭情勢危急，就唔好水喉水直入缸。
要魚冇咁易死，不如乎平日管理妥善。參考下：

平日管理，換水一星期最少一次，如上所述，要養水。大缸養唔到咁多水，你咁細個缸就唔好懶啦。每次換水量為一半至三份一缸。重點係集中吸缸底ｄ屎／屎粉。可以買一個手動泵去吸。換水時可以將過濾器o既濾材用抽出o既水沖一沖，等ｄ大粒o既垃圾清走即可，千萬唔好用水喉水，因為氯氣殺菌。白濾棉唔一定要換，黑哂先多菌呀！一樣用舊水沖下就得啦。 夏天天氣熱，缸唔好放o係太陽晒到o既地方，除左生青苔之外，會煲魚湯。注意水溫，如果到３０ｃ就要買個夾缸邊o既風扇４５度角吹住水面降溫。
餵魚一日一次夠啦，放糧要三至五分鐘食得哂為準，少少餓唔會死，多多糧食唔完會爛，食得哂就狂痾，都會令水質差。平日留意魚有冇病癥，有的話要用細缸隔離，用藥。

祝你好運啦。
圖片參考：http://hk.yimg.com/i/icon/16/3.gif

有冇整5"的"氯氣俾佢地
至於你話魚死左之後應該點做:
應該換過哂d水

吾好咁易死:
吾好成日去搞佢
水污濁就好快d換水喇
咁應該冇咁易死喇
希望你d魚會好健康啦xd

如果你想D魚冇咁易死,係買咗新魚時侯,應連袋(透明)放入魚缸,目的係令D新魚適應你魚缸水温,大概10-15分鐘,記住:千萬不可將舊水倒埋入魚缸,然後加水質穩定劑,因應魚缸大小而給予適當份量,目的是去除水中的重金屬和殘留氯,如果發現死魚(死咗好耐)最保險的就將D水全部換哂,然後再落D藥水(因為有可能條魚已經帶菌),如果唔係死咗好耐,就冇必要將D水全部換哂,但都要加番D藥水(因為D魚會唔太適應新水温)

可能水太新了,所以死魚.
唔好加水喉水比佢地.你要留過夜水.
會徐去綠.試下換1/3水.每天這樣做.
去到一星期.請不要再加新魚.
直到d水似係魚水.記得下暖管呀.
換水前份外水心.要對好d水和魚缸水
差不多同溫一度左右.先養水再用溫度計
試水,再加一杯熱水落d水試到溫度差不多
就換水啦.記住要慢慢咁加,太快怕d魚不習慣.
等到d魚定你就不用每天換水,一星期換一次就ok.
你最好不要d水草現時,因為d水草會懷.令缸水
懷.三個月先洗過濾器一次.洗過濾器請不要換水.
用少少魚缸水沖下d生物環.其它部份就用水候水洗啦.
洗完後二星期洗開始換水,以後就一星期換一次水.

2007-12-01 21:58:53 補充：
我之所以叫你每天換水,係因為你未有足夠菌.缸水毒素會高,換一換等d毒素低d,d魚好過d.救魚頭四日不要下糧,會令毒素上升.記得用魚網清下d污物.換水吸下低部

要倒哂d水,再換過d新o既水先~~
D水唔駛點理嫁- -"
如果D魚係因為D水而死....咁就要問下賣嗰個人囉~~
1~2日換一次水係最安全既做法

ku.....................