失眠睇中醫有無用?

可能有用掛。
點解講得咁滑頭呢？我去睇過晒你其他問題，我發覺你都幾個大計喎，又玩股，又搞生意咁。似乎都好多工作壓力。

我本身係中醫，亦都醫過好多失眠症，有d好易醫好，有d好難醫好。

易醫好，係邊d呢？如果真係體質失調引既起，咪易醫咯。例如：便秘、腎虛。

但係工作壓力，其他精神壓力咁，因為個病源就係你自己個心，如果你唔能夠學識舒解你自己個壓力，咁其實都好難搞，好似食藥就有得訓，唔食就無得訓咁。同食西藥既安眠藥差不多，只係副作用無咁大者。

我舉兩個案倒俾你參巧：
以前有個太太，因為佢家姐突然感冒菌入腦死左，留低左個BB女俾佢照顧，佢一來傷心家姐突然死左，已經有失眠壓力，另一方面，成日都驚自己都會感冒而死；因為佢自己都有個好細既女女，所以佢又擔心連自己都死埋，兩個小朋友點算呢？
佢來睇我時，已經話我知，安眠藥由半粒食到一粒，一粒食到粒半，粒半又食到兩粒。
我用針灸幫佢，但我都講明，只係能治標，不能治本，要求佢去睇心理醫生，學識克服呢個壓力。
佢前後針左兩個幾月，針既期間係有得訓既。後來無再來。都唔知係好左定係點。
後來兩個月後，佢走入來診所講，話已經完全好返，因為睇左心理醫生，解左心結。

另一位係一個西醫，佢自己講係因為管教小朋友，壓力大。佢已經係返半日工，下午返屋企陪小朋友做功課、溫習。

到小朋友搞完晒d野後，已經係晚上10點，佢想訓都訓唔著。佢個case，中醫叫做「無膽」，佢對小朋友無信心，所以佢「無膽」訓覺，好似驚訓左，d小朋友就唔知會點咁。
佢個case，俾佢服用治「無膽訓覺」既「溫膽湯」，好快就好返，但係佢消除唔到佢失眠既主因，即係「佢對小朋友既擔心」，所以佢後來都係抄左條方去，長期服用。

希望呢d資料幫到你。祝你生意興隆，哈哈

有~因為中醫會俾d藥膳你~
d湯水呀藥方呀咁上下~
比較溫和~
食左會舒服d
冇咩副作用~好過西醫
中醫食療信得過~註冊左o既中醫師可信d~可能-.-

理論上有用，而且成功例子很多。但我就見過一位失業人士，在失業後一個月開始失眠，再兩個月後病情加劇而往看中醫。

延醫四個月，由每晚只能睡上一兩小時，變成每晚可睡上五小時；但睡不穩、不熟的情況就未見改善。直至他找到工作，病症始完全消失。

可見治療失眠除考慮選用甚麼醫生外，還要留意心理上的問題，這方面自我調節的成功與否，起著決定性的作用。

有用, 我都試過, 如果加埋針灸效果好啲.