大家睇完 ~三國演義~ 有咩感想

以下係我既感想 : -

1) 一本好出色既策略書

2) 劉關張部份論及兄弟情義深重 (如關羽死不降曹操, 桃園結義等)

3) 劉備比曹操更要奸詐, 反之曹操, 我認為是亂世既英雄 (因為佢做事, 比劉備更要光明正大, 如趙子龍三進三出, 曹操就講唔好用箭, 否則趙子龍點勁都要死, 又如關羽過三關, 斬六將, 曹操亦只是感其 "忠勇" , 否則如果千里追殺, 佢一樣要死), 係書中, 孫權形象反而唔深.

4) 孔明好清楚自己既位置, 由開始唔想幫任何一個勢力既忍耐 (因為佢本身家在隴中, 比曹操滅族, 因此點都唔入曹操陣營, 但當時並無其他勢力能跟曹操抗衡, 因此選擇隱居), 但佢好留意國家大勢, 亦明白自己只要一入劉營, 就會形成 "天下三分", 呢種遠見, 係好難得既 (因為長期既戰爭, 會令人盲目認為戰亂會一直落去), 但孔明亦因為係信守承諾既君子, 因此最後操勞而死, * 孔明, 係呢本書入面我最值得學習既人

5) 呢本書雖然加入左小說原素, 奇情巧合, 但可信性好高, 亦可以睇出果個世代既文化 / 習慣, 亦是研究文化既好題材

6) 可以講係最初一本通俗 / 連貫 / 長篇既小說, 因為在此以前既小說, 文字都比較艱澀, 又短, 讀起來要好花時間, 而感情方面, 亦都極少描寫 (如果你睇過春秋就知, 根本只係 point form 記事, 這亦由於以前用竹簡記事, 竹簡又係屬於富有人既專利引至), 反之呢本書內容豐富, 又易懂, 因此長期流傳.

*** 呢本書, 影響非常深遠, 就算到而家未睇過呢本書既人, 都多多少少知道 "劉關張桃園結義", "劉備曹操既煮酒論英雄", "赤壁之戰既火燒連環船, 苦用計", "關羽過五關, 斬六將", "孔明舌戰群雄", 亦都廣為人知, 個人認為, 一生人點都要睇一次.

一隻字：感動！

孔明 - 有智有謀 , 甚麼都預知 , 洞悉天機 , 真難相信是否真有其人 ?
劉邦 - 一文不值 , 時勢做英雄 , 我不喜歡他。
關雲祥 - 正值 , 忠肝義膽 , 真英雄。
張飛 - 魯莽動 , 重兄弟情 , 常被利用。
周瑜 - 是個人才 , 可惜小氣過唔到自己個關 , 早死 !
曹操 - 性格都唔錯 , 衰鹹濕 , 最不該殺了華陀 !!
呂布 - 其實不值一提 , 是一個小混混。

我十三歲開始睇,當時冇乜其他書睇,很多字都唔識更唔知點解。幸好其間有箱仔戲做的都是以三國故事為主,對內容起著補習作用。
所以故事人物中印象較深的是程咬金,因為角色被演釋得既神武又諧趣,衹係咁多。