中國發展射錦多枝火箭對我地中國人有咩好處先?

唔知點解不停有人問呢個問題。要國家進步唔可以單靠對貧民進行直接幫助。正如東華三院同保良局都唔會將所有錢用晒去扶貧，而係用好多錢去搞教育一樣，要真正推動社會進步，既要幫助有需要既人，亦都要同時社會既發展，如果唔係就窮死一世。
中國發展航天事業就係要推動國家既進步。一有人問樓主既問題我就會叫大家去香港天文台既網頁去睇吓我國既風雲二號衛星點樣24小時幫我國預報天氣，亦會叫大家去搵吓中國同巴基斯坦合研既資源影番黎既相，睇吓佢點樣幫助我國搵資源。另外，舊年發射既鑫諾二號本身係用黎為我國偏遠地區提供衛星電視轉播服務，只不過現在佢有故障先至無辦法提供服務。但中國已決定無論如何未來仍會發射鑫諾三號去繼續發展衛星電視轉播。而北斗系統長遠發展落去將會成為我國既GPS，為全中國提供高質素既衛星定位服務。如果中國咁多實用既航天成就都叫嘥錢，咁我真係想請教樓主做先啱﹖
另外，近來有好多人都批評中國同日本發射嫦娥一號同月亮女神號只係中國同日本各自想顯示國力既無聊行為。如果嘥咁多錢就只係想演野，咁嗰個國家都真係幾無聊。但實情當然唔係咁無聊，而係月球有豐富既資源，據報上面有好多對核聚變發電好重要既氦3元素。中國同日本既科學家對呢樣野自然心知肚明，為左將來可以分一杯羮，兩國當然打崩頭去做多啲探測既工作，於是先至有上述兩個計畫。但係平常人通常對呢啲咁科學性既知識都無咩興趣，於是就人云亦云咁話呢啲太空計畫無聊。

發得多上去~可能發現到好多重要資料!除左可以令我地國家科技進步!國際知名道也大增!
依家佢地不斷研究~!可能到世界未日之時~就係我地生存的工具!