想幫亞女搵laser脫墨

我之前睇過何麗容醫生, 不過係做激光去胎印, 通常做激光, 實會有傷口同流血, 但係大概一星期就會結蕉(不過當然睇你個女的新陳代謝快定係慢啦, 我之前大概幾日就結蕉)

第一次需要俾何醫生睇下是否適合做激光或彩光(因為唔係個個人都適合), 但通常做脫墨都係做激光, 因為彩光對脫墨的療效不大...如果真係做激光, 做之前最好唔好曬咁多太陽, 同埋要做完前及後都要做足防晒, 因為做完激光的皮膚係好脆弱, 同埋對陽光非常敏感, 如果做完激光後去曬太陽, 會加深粒墨的黑色素, 變咗前功盡廢, 所以記住做好防晒工作呀!

同埋做之前會塗少少麻醉膏, 再用保鮮紙蓋住等佢快d吸收, 做的時候, d皮膚會有少少好似丈根彈的感覺, 不過唔會太痛的...但可能會有少少流血...

做完後姑娘會俾冰袋你"膚"住傷口降温, 等個傷口唔流血同埋塗埋藥膏後就可以走得...基本上如果打理個傷口得好...唔好有疤痕的

希望我的經驗幫到你啦!

瑞士糖, 您好, 我想問在何醫生脫痣價錢要多少??

我就無搵過何麗容啦~~
不過我識人係第二個女醫生度做laser脫墨...
效果唔錯wo~~
如果生返出黎~可以永久保脫tim~
做完可能會有少少傷口~
醫生會俾返d消毒藥水你...
大約一星期到會好返嫁啦~~
唔會留疤痕~~

脫墨前會打麻醉~
12歲脫都無問題...
你打去問下啦~~
d姑娘好好人嫁~~
電話係31753000~

去養和,,醫院,,整形外科有得做

有冇人試過搵何麗容醫生做 laser 脫墨
曾有客戶推介中環， 世紀廣場的周 xx 醫生， 但收費挺貴， 又故意延診， 一顆墨少說也要奉上 5 ~ 6 次診金。 每次候診時都聽見患者在投訴， 惟不得要領。 可能他已有免疾力， 見招拆招
圖片參考：http://hk.yimg.com/i/icon/16/19.gif

唔知有冇危險
沒危險， 因為周醫生每次都是治標不治本。 laser 前會注射麻醉劑， 事後有小量消炎膏
做完有冇傷口, 有冇"啦"
表層傷口一定有， 數天後便脫焦， 沒疤痕。 不過新長出來嫩紅幼皮略為礙眼。 約半個月後， 如墨內的黑色素不再浮現， 便不用再找醫生。 否則， 心有不甘下， 可能又要奉上銀兩， 請庸醫再開動 laser 機； 或另找高明。

你個女幾大呀,
唔好攪咁多嘢
一陣花咗塊面重煩
唔一定得架!