租樓好定買樓好呢?

本人係自己租樓住，租同買其實有好有唔好。
租樓有時可以選擇一D有傢俬0既屋，一搬入去，要買0既野唔係好多，又或者你唔高要求好多野都可以唔買，間屋唔係你就唔使理差餉，水電轉名好多野，好話唔好聽爆屎渠都可以搵業主，唔啱住就兩年退租。
唔好以為搬出來淨係睇租金一樣野，好多野要俾錢要買，租金只係好小部份，如果你有儲錢０既習慣，儲左一舊錢先好諗搬！
買樓要注意就更多，新舊，入面間隔等，廿萬樓咁平，你有冇睇過响邊，有幾大，同埋人地賣到咁平，你都真係要睇下間屋０既歷史好Ｄ！
其實第一次搬出來，我建議租會比較好，加上你年紀細，都未知自己對住０既要求，咁快就揹層樓上身會好辛苦，你呢個年紀變動又大，錢唔係好穩定，唔好俾自己太大錢０既壓力。
你想做成９成半按揭都幾難，不過你都可以搵銀行問一問卷調查！
我自己就覺得而家租住樓，到過兩年有經驗再買樓，到時個人成熟Ｄ，人地都唔會厄你，你亦無咁易俾人厄！

其實你現在年紀還小,同時薪金還不是很穩定,當然是租樓住好.因為你買樓後如你覺得那地方不喜歡,不是你搬走就可以了.另你除了考慮供款銀碼外,還需考慮交通費.同時你買入的單位如位於偏遠地區,你買入就容易,但賣出就非常困難了.另如租屋住如工作真有什麼變數,也可搬回家和家人住.同時所有付不了30%的首期,銀行借款給你還會要求你額外購買mortgage insurance.

我覺得租樓好D, 買樓又要交地稅, 差響...而且第時有咩水喉問題, 大廈維修, 租屋有屋主俾, 買屋就要自己俾.