就快去男友哥哥婚宴+第一次見家長，人情送禮衣著問題！

1）公價人情$500 ok啦!

2）去書局或trendy land買個禮封,入面有張紙仔敎你點寫

3）問下你男友,請你飲係佢爸爸嘅意思定係佢哥哥嘅意思, 邊個請你你就俾邊個

4）唔使送禮物啦,送左都未必會啱用

5）黑色連身裙最穩作, 不過唔好太長,及膝啱啱好, 大方得黎又唔會太老

6）其實到左果日佢屋企人應該唔得閒招呼你,不過你反而要問下你男友你的座位安排,因為你男友應該係要坐主家席架,咁冇理由你都坐喺主家席?!

7）如果果日唔知做咩好,可以同d小朋友玩下(lee d場合通常有好多小朋友,最好叫你男友事先同d小朋友介紹下你,同佢地玩下撲克小遊戲),一來小朋友易玩埋,二來唔洗應酬班姨媽姑姐, 仲可以表現到你有愛心嘅一面

1) 你應該單獨做一份人情, 一般去婚宴的公價人情係$500, 你仲讀緊書, 俾$500已經ok!

2) 視乎出請帖既係新郎本人定係新郎父親:
如果係新郎本人: 恭賀新婚之喜
如果係新郎父親: 恭賀新翁之喜

3) 人情俾新郎父母會比較得體

4) 俾左人情就唔洗俾禮物

5) 如果你坐主家席可以考慮著晚裝, 不過事先最好向男朋友打聽佢父母的衣著, 如果佢地唔著禮服晚裝, 你就唔好著晚裝, 免得搶主人家風頭, 著得斯文大方就ok; 如果佢地著禮服晚裝, 你可以著晚裝, 不過要避開黑白灰藍d唔吉利的顏色

6) 唔需要刻意搵話題, 最緊要有禮貌, 保持笑容, 講一d恭賀說話

7) 都係上面講句: 有禮貌, 保持笑容, 講一d恭賀說話, 化妝打扮唔好太誇張, 留一個好印象俾佢屋企人

第一次見家長便去這個場合有啲難度噃，不過即管分享吓啦：
1）我係咪應該單獨做一份人情？我仲讀緊書，俾$500可以嗎？
去飲公價人情是 $500除非你同佢好親或者你好有錢(但見你仲讀緊書，應該唔多錢$500好夠啦！)
2）人情信封點寫好？佢又唔算新婚....
o個個叫禮封，你當新婚咁寫都冇問題，你可以祝佢哋新婚愉快/ 新婚之喜／燕爾之喜／好述之喜 / 燕爾之喜 以上是禮封給男友兄長的寫法，如果是給男友爸爸的還可以寫 新翁之喜
3）應該俾佢哥哥定俾佢父母？
都係睇你同邊個friend啲，或者睇吓用咩名義派帖比你，如果冇乜特別可以比佢父母
4）除人情外仲使唔使送禮物呢？
禮物隨你鍾意啦，我試過好幾次都係挑筷子做禮物，上面刻埋個名都係幾十，你唔想尷尬，你可以封禮比佢父母，份禮物比一對新人。不過可以唔送，因為你個人到仲重要送你份禮。
5）為表隆重，係咪應該著連身裙（晚裝之類）？
個人認為唔使話太隆重，唔係可能會喧賓奪主，你要先看場地 (如係酒樓定酒店之類)，但晚裝好似真係隆重咗啲，著一套配合年齡的衣著便可。
6）我個人好靜的，同佢屋企人傾計講d咩好呀?
將個人放鬆啲就得，嗰日最緊要去到要同一對新人同埋佢父母打招呼，簡單一句 [你好﹗] 都得啦，如果平時同男朋友間的稱呼好難讀，便要準備一個較易掌握的謂呼，如你的中文名。仲有嗰日應該兩老都唔得閒同你傾計，自己照顧自己或者問吓你男友有沒有要幫手的地方 (等自己有啲細藝，仲可以令他們對你有好感添，當然唔好太過火啦)
7）仲有咩需要注意呢？過來人有冇心得？
如果時間許可，最好請你男友先安排一次 "家訪" 的機會，亦都乘機了解一吓他們一家，咁你便可以減少尷尬的情況 (如衣著的要求) ，凡事禮貌便可以啦! 當日大約七時到便到場 (除非男友另有要求啦) ，但儘量就算悶到爆都唔好掛住打機或表現唔奈煩。做好自己便可以了！


2007-11-30 00:52:24 補充：
衣著顏色方面你最好問一問你男友屋企有冇避諱，因為有啲人傳統上黑色、藍色都是不利的顏色，所以衣著上你都要小心一點!