生三隻有一隻被救出(因為發左狂)....味唔同咗.....放入去好危險....點?(好正常的一隻!)現生多兩隻,比緊奶

唔好諗住係救左隻鼠出唻,拎鼠b出唻既話,鼠b係一定會死,鼠b冇左鼠媽媽既奶係長唔大,人手餵奶我細個都試過,但咁係唔可行

而家再生既兩隻係飲緊奶or食緊都好,都唔好理佢了,再理得多只會令事情更加惡劣,俾d時間佢啦,生bb係好辛苦既事,俾d時間佢自己處理,唔好令佢更緊張了

好明白你既心情十分緊張,我都試過,好似行唔安坐唔落咁,但都係唔好理佢地,好遠咁望下就算啦,咁真係對鼠已經算最大既幫助,睇醫生真係幫你唔到

其實之前都回答過你,但都希望你再睇下,對你同鼠b都有一定既幫忙
食唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

希望你之後真係可以考慮一下唔再繁殖鼠鼠啦!
其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2007-11-29 22:42:07 補充：
希望你可以冷靜d睇下內容吧,唔好太緊張,唔係對你同鼠鼠都唔好

2007-11-29 22:46:11 補充：
我覺得真係唔可以分開鼠b同鼠媽,鼠爸就一定要分開,一分開鼠b就係100%死緊了

2007-11-29 23:07:37 補充：
唔理佢就已經係救左佢,但一定要同鼠媽一齊

我以前都有養過類似的寵物鼠,佢生左bb後好似咬食左自己bb,好恐怖,後來聽有養開的朋友講佢一生完後就要將佢地分開養,以免mama or papa發狂