順產媽咪請進

我生左兩個(3歲半同兩歲啦,仲要唔同醫院唔同醫生),但我生兩個都冇剪,其實唔係個個生都要剪嫁...最主要係睇你個bb既頭仔大唔大,有d bb頭仔細既,而媽媽生之前行得多,令到會陰肌肉有韌性d,咁樣就可能唔洗剪,但bb頭仔大的話,就算你行得多,d護士都會幫你剪嫁,因為會陰肌肉係好幼嫩,如果唔幫你剪,驚你生果陣會搞到撕裂,嚴重的話會流血不止嫁,到時仲痛過你剪呀....至於聯果陣通常都會幫你打止痛針,不過一樣會痛嫁...因為佢地一打完支針就即時去聯,d藥都未發揮到效用...不過痛都係頭果一兩針痛,跟住就唔痛嫁啦~~~

其實我(29歲)生兩個(3歲及4個月)BB時(係自然分娩冇打針冇吸氧氣) ,
都唔係好覺得有剪(可能生嘅時候忡痛過剪啦!) ;
反而生完聯針有痛嘅感覺 o
唔~我諗你唔駛咁擔心 ,知道過程便可以; 到時順其自然吧!

我生了2個都係順產,第1個剪時唔痛但(聯)時痛,可能早打麻針,到(聯)時藥力開始過所以(聯)有痛。第2個剪時好鬼痛,但(聯)時唔痛,(生兩個都是同一個醫生接生),所以我覺得係看產程多久和何時落針。希望幫到你!不用擔心加油!

通常你陣痛已經唔記得助產士剪左,我生個陣知道助產士剪,唔痛有少少好似比刀片介左一下咁,縫針就有麻醉藥,又係唔痛,其實剪下體痛唔痛係好個人,有D話痛而我就覺得唔痛.