由粉嶺點去尖沙咀諾士佛台4-5號東港商業大廈?

最方便係搭火車。
粉嶺上車，尖東落車。尖東站 N1 出口（河內道）出。
出左後搭扶手電梯上地面，一直向前行，然後轉右，沿加拿分道一直行到尾。
行到尾到左金巴利道，對面就係「諾士佛臺 / 諾士佛階」入口（旁邊有一家 da dolce 雪糕店），向上行，行到尾轉右，左手邊第三棟就係東港商業大廈。
由粉嶺火車站出發計，40分鐘車程 + 15 分鐘步行（龜速計），預一小時應該可以。


2007-11-30 09:51:25 補充：
要搭巴士就要轉車：首程九巴 270A 粉嶺火車站 / 華明 / 欣盛 / 牽晴間上車，加士居道下車。次程原站轉乘九巴 271 ，坐兩個站金巴利道下車，向前行美麗華商場轉左旁邊就會見到條樓梯。全程 $12.3 + $5.2-$3.5 = $14 （八達通轉乘優惠），一小時十五分鐘左右。