地球上還有多少隻老虎存活呢?

老虎
老虎，（學名：Panthera tigris），書面語虎，係體形最大嘅貓科動物，亦係亞洲最具代表性嘅猛獸。喺亞洲多國嘅文化中，老虎係美、勇、力量嘅象徵，人怕虎兇猛，又希望有虎咁 強壯，好多時征服佢證明自己嘅力量。老虎同人嘅關係好密切，人類活動打散晒同縮細咗老虎嘅棲息地，咁人同老虎衝突機會多好多，用加上老虎有利用價值，老虎 就畀人大肆捕殺，家下呢個物種嘅生存已經極之危。

分佈
老虎一隻歷史上老虎廣泛分布喺亞洲，東到遠東地區同朝鮮半島，西到裏海沿岸以同土耳其東部，北去到西伯利亞，南去到東南亞，從印度尼西亞伸到印度次大陸。喺擴散過程中，老虎穿唔過阿拉伯沙漠入非洲，亦爬唔過高加索山進入歐洲。

喺香港，過去亦有老虎出沒記錄。最著名嘅莫過於1915年3月，先後咬死兩人嘅「上水之虎」，佢嘅頭蓋骨依家放喺香港島嘅警隊博物館畀遊客睇。

進化
老虎係由古食肉動物進化而嚟。大型食肉類喺距今700萬年嘅新生代第三紀上新世出現並逐漸發展。古食肉類中嘅貓形類進化出多個分支，其中一種係古貓類，古 貓類又再分化為恐貓、真劍齒虎類同真貓，經過第四紀冰川期，最後只有真貓類存活落嚟，分化成貓族同埋豹族兩個分支。而家嘅老虎就係由真貓類中嘅貓族演化而 嚟。

對於老虎嘅起源地講法好多，有學者認為老虎係起源於亞洲東北部嘅西伯利亞同中國東北平原，亦有學者根據化石研究，認為老虎起源於中國南部。喺老虎嘅各個亞種中，華南虎嘅頭骨結構係最接近於原始老虎。

老虎嘅特徵
外形特徵
虎為大型貓科動物，斑紋獨特，毛由淺黃到橙紅，有黑色到啡色條紋。唔同亞種嘅虎，體形大小都有唔同，生活喺北方嘅老虎大隻啲，顏色淺啲；南方老虎細隻啲， 顏色亦深啲。老虎嘅虹膜係黃色，瞳孔係圓形。耳仔背係黑色，上面明顯嘅白斑，有科學家認為咁有助啲老虎 BB 喺野外跟住阿媽活動。老虎四肢有力。掌墊大細同老虎嘅年紀有關，喺種群調查時，研究人員就掌墊大細分開邊隻打邊隻。尾較長，有環形斑紋，尾尖無長毛兼係黑 色。

習性
老虎係一種孤獨嘅森林食肉動物，一般每頭老虎都有自己嘅地盤，除左交配時期外，從來唔同其他老虎交往，雌虎會獨自生仔同餵老虎仔，平均每胎生 2.46 隻，喺野外，出生幼虎嘅死亡率係 3 到 4 成。喺幼虎大個之後，老虎乸會將地盤遺留畀佢，再獨自去搵地盤。一隻老虎霸咗嗰地盤之後，佢就會將地盤所有大型食肉動物好似狼、豹之類，唔係殺晒就係踢 走，正所謂「據山為王」也！

老虎主要食鹿、野豬等食草動物，一定要有足夠嘅獵食地盤以維生。虎一般採取潛伏襲擊嘅獵食方式，響獵物後方攻擊，喺食物嚴重短缺時，亦都會攻擊人畜。印度 農民喺頭蓋後戴假面具以免畀老虎襲擊，因為佢哋以為老虎決唔會響正面攻擊獵物，但係呢個方唔一定有效，老虎可能會因識穿殺人。

分類
1758年，瑞典自然學家卡爾·林奈將老虎定名為 “Felis tigris”，模式產地為孟加拉，之後新嘅老虎亞種陸續被發現。直到1929年雷吉納德·波考克將學名改做 “Panthera tigris tigris”。老虎係多形種，1968年 Vladimir Mazák 認為老虎可分為 8 個亞種，其中 4 個已經絕種。目前普遍認為老虎可分為 9 個亞種，其中 3 個經已絕種，主要係人類捕獵以及人類活動令到佢地無棲身之所。

東北虎（Panthera tigris altaica）
東北虎亦都叫西伯利亞虎、阿穆爾虎（黑龍江嘅俄文名叫阿穆爾河）、烏蘇里虎、滿洲虎、朝鮮虎，生活喺俄羅斯西伯利亞同遠東地區，係體形最大嘅貓科動物，可 達 3 米長，重 300 公斤，能夠輕易咁殺一隻強壯嘅牛，毛色淺黃，毛厚，唔怕凍。據統計目前野生嘅西伯利亞虎只有150-400 隻。

華南虎（Panthera tigris amoyensis）
華南虎華南虎生活喺中國：從山東半島到岭南嘅廣大地區，由於中國人口稠密，華南虎同人接觸比較多，中國歴史上描寫人虎鬥爭嘅故事所指嘅都係講華南虎，華南 虎體形較小。最後一隻被確認嘅野生華南虎係喺1994年射殺嘅一隻，之後就再無確實證據證明野生種群嘅存在。1990年代以來江西、湖南、福建同貴州都有 華南虎蹤跡嘅報導，但大多缺乏科學目擊證據，有關專家估計野生種群數量僅為 30－50 隻。分布喺中國各地動物園中飼養嘅華南虎，大約有 60 隻，皆繁衍自 50 年代捉倒嗰 6 隻華南虎，佢地嘅基因組合嘅變化 (genetic variation) 唔足以維持此亞種，普遍相信呢個亞種最後會絕跡。

峇里虎（Panthera tigris balica）
峇里虎生活響印度尼西亞峇里島，係身上條紋最多最密嘅一種老虎，條紋細密多達 100 條以上，最後一隻峇里虎據報導喺1937年被獵殺，1930年代死晒。

印度支那虎（Panthera tigris corbetti）
印度支那虎體形較細，大約有 1.6 米長，主要分布響中南半島越南、老撻、柬埔寨一帶，由於當地多年來都打仗，基本上已經絕種，據說響馬來西亞仲有啲野生嘅，但至今都冇確實嘅證據。

爪哇虎（Panthera tigris sondaica）
爪哇虎生活響印度尼西亞嘅爪哇島，可能響1980年代絕晒種。最後一次有人響野外見倒係喺1979年。

蘇門答臘虎（Panthera tigris sumatrae）
蘇門答臘虎蘇門答臘虎係體形最細嘅一種老虎，生活喺印度尼西亞嘅蘇門答臘島。顏色深，接近紅色，毛短，因此肌肉輪廓明顯。目前蘇門答臘虎大約仲有 400 幾隻，全部住喺 5 個國家公園裏面，偷獵（poaching）係佢哋嘅一大威脅。

孟加拉虎（Panthera tigris tigris）
孟加拉虎係目前數量最多嘅一種老虎，生活喺印度森林裏面，可能有 3000 到 4600 隻，當年係英國殖民者最鍾意嘅捕獵對象，好似英國嘅蒙巴特勛爵一世人就先後殺咗 180 幾隻老虎。目前印度政府喺國際組織嘅協助下，保護老虎同埋佢嘅棲息地嘅工作。喺漆黑嘅熱帶森林裏面，孟加拉虎有稀有嘅黑色變種。


拉斯維加斯人養嘅白虎只有孟加拉虎先有白虎變種，全係由人工飼養條件下出現，極之稀有，白底加啡色條紋嘅叫「白虎」，連條紋都係淺色嘅，幾乎完全分唔出啲紋嘅叫「雪虎」。

裏海虎（Panthera tigris virgata）
裏海虎生活響伊朗、阿富汗、前蘇聯中亞地區同伊拉克一帶，適應荒漠地帶生活，因此需要好大嘅獵食地盤/範圍，據報導最後一隻裏海虎係喺1968年俾人發現，之後再無出現過，1970年代尾滅絕晒。

研究同保護
老虎喺生態系統中位於食物鏈頂端，係保育種嘅旗艦物種〔呢句唔似粵語，幫手改改佢〕。老虎面臨嘅威脅主要嚟自人類活動令倒佢哋嘅棲息地縮細、分散 （segmented），仲有偷獵添。喺有老虎分布嘅國家，殺老虎攞皮毛、虎骨、器官已經有悠久嘅傳統，獵殺這種大型貓科動物成為力量同勇氣嘅象徵。

19世紀後，老虎喺亞洲嘅分布範圍同數量顯著減少。20世紀初全世界嘅野生老虎約有 10 萬隻，而目前淨番幾千隻。先後有 3 亞種嘅老虎喺1980年代前絕晒種，另外 5 個亞種嘅分布去已經縮到極度之細，分布區分離十分之嚴重，種群數量下降，處於瀕危狀態。

從1960年代起，開始同虎同埋其他亞洲野生動物做咗一系列研究，亦都出咗唔少有關嘅通俗讀物，令到虎嘅危機得到國際社會嘅關注，亦因而多咗地方保護老 虎。1960年以前，虎嘅狀況都係靠獵人同埋業餘博物學家傳聞得知，1963年到1965年佐治·夏勒對野生孟加拉虎做咗第一次生態學研究。1969年國 際自然保護聯盟（IUCN）號召全世界保護老虎，1972年世界自然基金會（WWF）「老虎項目」開始實施，呢次係針對印度次大陸、東南亞同埋印度尼西亞 老虎嘅長期保護計劃。1970年代以後好多有老虎分布嘅國家都立咗更加嚴格嘅野生動物保護法，劃咗更多保護區，並且禁止獵殺老虎。1980年代尾，喺少数 保護區（主要在印度、尼泊爾同東亞）因為管理得好，老虎嘅數目同狀況係有啲改善。但係多數保護區，人同虎爭地，保護工作有好大困難。點樣解決保護區同居民 衝突，係管理方面最大嘅挑戰。

關於虎骨貿易，韓國有最完整嘅紀綠，1975年到1992年之間，韓國入咗 6 噸以上嘅虎骨，相當於 500 到 1000 隻老虎嘅骨頭。1985年開始，台灣最先禁老虎骨入口，中國大陸要去到1993年先禁，而韓國同台灣1994年就宣布禁虎骨貿易，同埋唔畀用虎骨同佢其他 器官。就算係咁，都去除唔到用虎嘅傳統，仍然有非法貿易。

由於棲息地變成孤島，搞到遺傳無辦法有多樣性。呢樣都係虎生存嘅威脅，家下大部分老虎品種都唔過 100 隻，長期近親繁殖、性別比例失衡都令到遺傳多樣性消失晒，遺傳質素亦都差埋。

喺香港，就只有荔園動物園曾養過老虎（分別係印度虎同西伯利亞虎），亦曾發生過老虎走甩事件。

老虎同文化
老虎響中國同亞洲文都睇成係又靚又猛嘅象徵。早響 5000 年前印度古文明（今巴基斯坦一帶）裏面就發現圓章刻咗隻虎。印度教裏面有一個騎虎女神杜伽（Purga），呢個女神嘅象響印度周圍都見到，多出現響火車兩 邊。韓國野生虎雖然已經絕晒種，但係韓國人仍然叫韓國做「青龍白虎之邦」，響1988年漢城奧運會2002年世界杯足球賽上面，老虎就用黎做吉祥物。響中 國，老虎嘅圖案周圍都見到，殷墟甲骨文中就有個虎字，家下中文虎字仍然似隻虎。好多成語、俗語中都有講老虎。老虎響十二生肖排名第三。

我想問下中國有老虎多少種老虎?分別是?

咩品種先???