✔ 最佳答案
(1) 你現時用呢一部 Canon A710IS 都已經好新, 質素已經好好, 又唔算舊款, 暫時用住先啦.... 新機都唔會對你影花有咩大幫助... 唔係咁建議你換機, 反而建議你好好了解你部A710IS... 例如, 你有冇用過佢"光圈先決"等半自動或手動拍攝模式? 如果無, 就可以學下點用...
(2) 要拍清的照片, 就要留意「景深」同「構圖」... 景深簡單來講, 即係拍攝時對焦點(即係最清楚果點)前後清楚的範圍...
例如"淺景深", 咁清楚的範圍會較短, 如果你對焦o向花朵上, 後面o的花就會好矇, 唔清楚, 呢種叫做"前清後矇", 又可以做到"前矇後清", 更可以做到"前後矇, 中間清", 最重要係睇你點對焦, 即係你按半下對焦果陣, 中間對焦點係"點"中邊樣野...
如果"深景深", 咁清楚的範圍會較長, 即係前清後又清... 要畫面全部清楚, 咁就要"深景深", 咁就全部都清楚了... 但, 都要你懂得構圖, 先至可以突出主體, 即係突出你想拍的花....
至於控制景深, 有三個方式,
i. 光圈越細, 景深越深 - A710IS用"光圈先決"模式, 就可以控制光圈....
ii. 焦距越短, 景深越深 - A710IS有六倍變焦, 你只要唔好 zoom 埋去, 咁清範圍就越廣...
iii. 相機與主體距離 - 如果你部相機同朵花越近, 後面o既景物會越矇(淺景深).... 所以, 要後一點拍攝...
不過, 以上只係講點樣影清楚的照片, 但唔係指點影得你o的花靚....
拍攝花朵, 你需要使用相機的"微距"模式, Zoom 到只係得一朵花, 而且唔會俾背後其他花影響構圖...如果用任何角度都唔可以避開後面o的花, 咁你可以加"咭紙板"遮住背景o既花...
同埋, 構圖上, 主體唔應該放在正中間咁死版... 應該放在上下左右三份之一的位置較好....
(3) 暫時未搵到專門講花卉攝影的論壇, 但你可以將花卉相放在攝影論壇上, 讓其他攝影師俾意見你... 試下放去以下論壇:
http://www.dchome.net/forumdisplay.php?fid=144
以上四張都有不足之處, 就係主體同背景其他花重叠得很厲害, 唔能夠突出花朵的美麗型態... 但第四張算好一點, 主體較突出...
