倉鼠可以做絕育手術

暫未聽過有同倉鼠絕育既手術,就算有,都唔建議同鼠鼠做

鼠鼠壽命短,加上心跳較快(只係呢兩點都唔同貓狗or人),做手術本身就有一定既風險,再加埋呢d原因,令手術風險更大,如非必要,獸醫都唔會同鼠鼠做手術既,例如腫瘤,膿瘡等致命既問題先會同鼠鼠做手術
冇理由為左想一籠兩鼠,改變鼠鼠天生獨居既天性,再冒生命險去做手術吧

唔想鼠鼠生bb,最佳方法就係一籠一鼠,咁就一定唔會繁殖,除非你買既鼠本身已懷孕(我試過)
倉鼠本來就係獨居動物,地盆心態好重,好多時年幼見佢好地地,忽然就會打大交,所以就算唔會繁殖,都有機會打交,一籠兩鼠或以上都會有問題


因此,為鼠鼠著想,唔洗做手術,又唔洗繁殖,又唔會打交,可考慮一籠一鼠

建議一籠一鼠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
3) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
4)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

應該可以吧,獸醫沒理由只學替貓,狗做手術啩。
一個醫生既懂替人剖腹產子,割盲腸可以吧,做搭橋手術就話唔同啫。