第一次參加總公司的聖誕party，有咩要注意？

鬼佬有句話 - 每個女士的衣櫥都要有條"小黑裙" (little black dress)
lttle black dress係及膝, 小吊帶, 不要V領低胸, 很大方的款式, 真係咩場合都啱用

你咁後生, 可以carry一d花俏d嘅款式, 今年都好興連身中庸裙, 你襯對長boot就好好睇啦
有budget, 咪去海港城, 銅鑼灣睇d有牌子嘅囉
如果冇乜錢, 平平地葵涌廣場, 都好多靚衫揀, 最緊要係平.

頭髮 - 唔使特別整, 整齊乾淨就夠.

鞋 - 你可以著一對黑色長皮boot, 或者簡單的密頭矮跟皮鞋. 如果係新鞋, 記得著絲襪 - 新鞋好多時會刮腳, 著絲襪可以減低磨擦, 冇咁易整痛腳. 仲要帶膠布, 萬一整損腳, 貼吓冇咁痛. 唔好忍, 唔係到party完咗, 隻腳隨時痛到行唔到. 如果你會買新鞋, 之前著幾日, 著鬆佢先.

除咗食之外, 可能會有d抽獎呀, 老闆講野呀咁, 記得要有禮貌拍手. 唔好唔記得呢d小節.

仲有, 除咗你嘅外地美, 唔好忘記妳嘅內在美 - 餐桌禮儀. 唔好一路講一路食, 唔好大力切野整到隻碟嘰嘰聲, 食野飲野唔好發出聲音. 呢d緊要好多!

希望你有一個難忘的晚上.

我之前去過銅鑼灣皇室堡一間到買過晚裝.....不過佢唔係完全買晚裝...不過都有d幾靚.....出面好少見到嫁.....都係幾百蚊....你去金百利做晚裝...都要一千到啦.....你想知多d...你留言比我呀...

禮服裙款式可以看看以下連結:
http://www.flickr.com/photos/toj

晚裝都要架啦
著咩級數視乎你咩職位, 低級嘅就唔好太搶眼, 太性感, 唔係會有好多閒言閒語走出嚟.

可以著大褸到時除

除咗食, 或者可以跳舞 (視乎有無咁嘅安排), 或者識下人囉.
無男友的可以識下男仔(e.g. 平時見過下但又無機會講嘢/合作嘅)
同同事friend嘅咪吹下水, 增進感情.