有關預寒衣物 (-1 至 -20度)

咁要睇下你去邊，因為室內有充足暖氣同無足暖氣的地方衣著可以好唔同。
如果是室內有充足暖氣的地方，好以歐美加拿大等地方，入到室內就非常溫暖，衣著方面:
1 不要穿天蠶衣，因為除唔到，入到室內會熱死。
2 不要穿雪褲。理由同上。
3 著一件稍厚的內衣，吸汗，透氣個隻。
4 怕凍的，可以穿一件厚少少的冷衫起面，但唔好著樽領，就算著都係小樽好拉。不太怕冷的，薄冷衫可以了。或者一件抓毛的恤衫，不是普通的抓毛，是行山用品舖賣的，夠暖又舒服。
5 千萬不能穿牛仔褲，因為在戶外條褲會變得好硬，好凍。穿厚身綿質或燈心絨長褲可以了。
6 至於鞋，最好穿防水的，咁凍的地方通常有雪，如果對鞋濕左，對腳會好凍。鞋底最好有較深的坑紋，咁就唔會係行雪地既地方咁易跣親。千萬不能穿跑鞋底的波鞋，會企都企唔隱，企起度都跣。仲有，雪比人踩得兩踩就會變冰，冰係滑好多，要小心。
7 至於襪方面，最好穿兩對，一對普通的cotton 短襪打底吸汗，再加一對羊毛襪保暖，要及膝的，入到室內可以拉低對羊毛襪。
8 外套方面，羽絨是必備的，-10度普通d都得，-20度就要買件好d。長度最好遮到大腿，如果可以，配一件Gore-Tex外套係面，咁就落雪都唔怕。
9 頸巾方面，女仔可以用披肩，高山羊毛喎隻，(sorry 唔識寫英文)，返到香港都用得。摺細佢，作頸巾，唔入風，室外就好暖。入到室內，打番開做披肩，又lady d。手襪方面，冷手襪同羊毛都可以。
10 至於暖包，有手的，身的和腳的，行山公司有售。
如果是室內有暖氣不足的地方，好以中國一些城市，北京例外，好多室內地方和食肆，尤其係自己去旅行的，都會去d平d既地方，暖氣唔夠勁，衣著方面基本上同上面差唔多，只不過，外套唔駛咁勁，反而要著件好d的冷衫同一件薄薄地的天蠶衣，咁先唔會冷親。因為入到室內點都要除外套，如果唔係你出番去室外就會唔夠暖。所以室內的暖氣夠唔夠就好影響你點著入面既衫。總之要方便除的衫會好好多。容易配合溫度。
祝旅途惀快。

暖包, 雪褲, 厚襪, 手套, 保暖內衣, 耳罩, 帽, 一件好保暖的外套(室內一定要除下), 頸巾