例如:見我食中藥,佢係度話:「你食老泥丸,咁你咪係老泥妹囉!」
仲有:佢睇梅艷方最後演唱會VCD,佢又話:「你同梅艷方一樣,瘦到就黎死」
最近,佢同我老爺去食大閘蟹,佢食左4隻,我老爺食左5隻,我關心佢同佢講大閘蟹唔可以食咁多架,同埋唔可以同紅酒一齊食,結果佢煩左我一日,又話咩佢同我老爺有乜事我要負責,到夜晚佢打俾我老爺同佢講,之後大大聲聲話:「你都痴撚線!」我老公當時在場,即時鬧佢叫佢道歉,佢仲話:「人地都冇惡意,你洗唔洗咁少氣?」我奶奶真係基乎每日都有令人呆左既說話,我都一直忍,儘量唔同老公講,唔想令佢唔開心。身邊既朋友都未結婚,冇人明我苦況,同媽媽講,佢又會話返我,反而叫我唔好咁計較,唉!有時我會諗,我後生又幾靚,結左婚都有人追,真係有唸過離婚算,但我老公真係對我好好,又令我唔捨得……其實我都係想發洩吓je
更新1:
我奶奶份人係直腸直肚果隻,佢講既都係真心話。佢仲係黑心自私又冇家教,廁所人地唔用佢唔用,行過用手推人,明明都冇阻住佢。仲斤斤計較,試過有次冇Cash係手,去襟機提款卡壞左,屋企得佢同我,唯有衰衰地問佢借一百蚊買野食,夜晚還俾佢佢問我攞利息=..=我成日幫佢買野都冇收佢$啦~!~
更新2:
我自問對佢盡哂孝啦~佢對人人都係咁乞人憎,我老公叫佢順手買野都要問人收手續費~~救命呀!!!!!!總之佢d衰野講十日十夜都講唔完 唯一係我老公真係好好,出哂名錫老婆,揾十蚊俾九蚊我,唔洗我去返工,唔洗我做家務,對我又細心,我嬲佢又會買禮物氹我,又好錫我爸爸媽媽,成日主動叫我爸爸媽媽食飯行街去玩,連去日本都叫埋佢地一齊去,我拍過好多次拖,以前既男友對我好好,但我老公係對我最好既男人,好可惜~佢阿媽亦極之惡頂 如果有日我老公變左,佢又要對住我奶奶,點算>"<真係好怕
