新仔,HSBC綱上理財,借孖展抽新股一問????

✔ 最佳答案

1)有冇規定戶口內的存款按金數量

聽說孖展可借90%,是否戶口內有一萬就可借九萬???

不是！

最高貸款比率係9成，你出1蚊(10%本)，再問銀行借多9蚊(其餘90%)！
請注意：hsbc最少係要借10萬或以上，以1蚊本借9蚊的話：即係認購總金額最少要係11萬1千1百1十1蚊($111111)或以上先可以申請！即係你最少要有$11111(10% of 認購總金額)的可用結餘ready在你俾錢扣數的户口內，其餘的90%(11111x9倍)=10萬問銀行借！其他銀行(中銀)就最少要借30萬！其實借10萬同30萬的中簽率都差不多係坐一手望兩手，但俾150蚊息好過俾成500蚊呀！

P.S. Hsbc 孖展係5.5厘，例如借14萬4，自己出萬6，用total16萬零去抽的話，利息是14.4萬x5.5%x7/365，因為只借7日，如果有啲新股要借到10日，就要乘10除365了！我之前在Hsbc用網上理財借孖展抽中外運，方便到爆，自動從户口扣錢及回水，筆都未拎過，用咗16000去借夠16萬抽40手，息都係150蚊咋！

當我去抽比較有質素的新股的時候，我通常會孖展抽，我會在HSBC用1蚊本借9蚊的方法借孖展，例如隻中外運，我用16000蚊本借到16萬去抽40手！！因為每次孖展息都係150蚊左右，好抵！用200蚊以下的利息，去換取一手，都ok呀！例如我用孖展抽左阿里巴巴，39蚊放左都代咗萬零蚊落袋，用兩舊水利息搏咗萬零蚊！不過而家市況麻麻，我抽中左1000股中外運仲潛緊水，唉！所以我費事你用左孖展抽之後，如果上市日即潛水，你就會連孖展利息蝕埋！我借孖展抽中外運的教訓！

2)例如用孖展大手認購十萬股,如果該股不受歡迎,到時全中.

自己戶口內的現金不足以認購全數,銀行會點做??

好少機會發生，事關你一定唔會全中！！

例如：如不借孖展抽20手的話，銀行會收咗20手本金加1%做手續費先(101%)，仲有銀行徵費50-100蚊(Fixed cost，抽一手或一百手都一樣)，之後如果抽到一手的話，銀行會回返19手的本金加19手續費俾你，實質只會收了一手的手續費！記住抽到先要俾手續費，如果抽中兩手，敢就要俾兩手手續費，銀行會回返18手的本金加18手的手續費俾你！

但let say你用1蚊借9蚊的方法做孖展，因為你只有2萬現金，但想用20萬去抽，敢你就要借18萬，利息係18萬x年利率(hsbc係5.5)x日數(中外運係7日)/365日=189蚊，利息會喺回水時扣除，抽唔抽到都要俾的！之後如果抽到一手，銀行會回返2萬減返一手ipo價值再減一手手續費再減利息俾你！

自己又應該點做???

萬一萬一你真係抽中好多貨 (不過真係未聽個這情況！)，而且仲多過你個10%本的時候，即是你仍然欠緊銀行錢 (全部抽中的貨的ipo總值減去你出的10%本)，你可以選擇上市日自已沽左隻股票找數或唔去沽隻股票，唔沽的話，你基本上係做緊孖展炒現股，而唔係申請新般認購貸款敢簡單！如果隻野潛水，你分分鐘要補倉，又或者你無補倉，銀行自動會沽你啲股票埋單計數！

3)聽說東岳集團,認購不足可能全中

如果根本無人爭，你咪抽中好多貨喇，但例必第一日上市都係會跌，請你小心！在這市況下，我不建議你去抽新股，更加唔好借孖展抽！萬一隻新股無人争，你又超熱烈敢去借孖展抽，到時抽到一大堆潛水的股票在你手，大鑊！

新仔,HSBC綱上理財,借孖展抽新股一問????

回答 (3)