✔ 最佳答案
比個例子你, 如果你想描寫既係, "街市的熱鬧", 咁你認為, 主線係咩? 就係熱鬧, 咁你就要將呢的熱鬧好具體咁寫出黎, 如小販大聲叫賣 / 婦女要求減價聲音 / 上落貨物時搬運工人既勞動聲....等等, 而帶出既信息係咩? 就係強烈既生命力 / 城市中的脈搏 / 生活既辛勞...等等 (睇下你自己想表達咩)
又例如你想描寫家中已用了十年的電視機, 因太舊而要換掉, 那, 此文章既主線係咩? 就係此舊電視十年中既貢獻, 如陪伴左你既成長 / 你第一次接觸到電視節目既喜悅 / 感覺比別人高人一等既成就感.....等等, 而想帶出既信息係咩? 可以係對科技進步既讚嘆 / 現在普遍人環境富裕, 開始不懂得物盡其用, 非常浪費 等等
* 係未易寫左好多 ^^ 個人覺得, 描寫文要識寫, 唔難, 因為係陳述 + 抒情句子既結合, 但要寫得好就唔易, 因為有時會遠離左中心思想, 亦可能會詞不達意, 更有可能係, 對描寫既物品, 無深刻既體會
** 因此我覺得, 要寫得好, 要保持對事物既新鮮感 / 有關既聯想 / 投入事物既感情 / 多角度思考, 你就會覺得, 同一樣物品, 10個人, 最少有 10種想法, 甚至同一個人, 都可能有極多既想法, 只要係選幾個想法再加以發揮, 文章就會好容易寫得好 ^^