✔ 最佳答案
你想申請信用卡, 要睇吓你份工做咗幾耐, 係咪自動轉帳出糧. (仲要有住址證明)
如果你份工超過三個月(越耐越好), 及自動轉帳出糧的話, 大多數銀行都會批信用卡比你. 不過, 因為人工唔高的關係, 一般批出來的簽帳額只會係月薪的兩倍(以你的情況, 應該會少過一萬).
其實銀行大細都冇關係, 因為找卡數可以用online payment, pps, 郵寄支票等, 都是很方便的, 所以唔洗擔心. 不如考慮吓邊間銀行的信用卡有優惠(例如成功申請信用卡的禮品, 或選擇免年費的銀行).
如果你份工係穩定, 但唔係自動轉帳的話(即刻支票或現金), 就比較難申請信用卡啦, 除非你戶口的結餘有很多, 否則.................... 比較難呀(但都不防一試, 又唔洗錢的)!
2007-12-06 07:23:32 補充:
如果你有糧單, 真係可以試吓架, 而且你話你個戶口都有d錢, 應該ok的. 去旅行, 當然要有張信用卡比較安全啦, 祝你成功!pps(繳費靈) 用嚟交數的, 好似樓上位朋友講, ok便利店可以開, 除此之外, 好多地方都有 (我樓下的商場都有), 在繳費靈終端機開戶, 用提款卡就可以啦. 你用咗邊個戶口登記, 以後交數的時候會從那個戶口直接扣除, 唔需要去排隊交數, (繳費靈除咗可以交卡數, 仲可以交家裏的雜項支出, 真係非常方便的).