梗魚骨~~~急問~

有d人話飲醋，等條魚骨軟化後吞落肚，不過要等好多日，好辛苦，我教你用一個方法， 我試過好多次， 真係萬試萬靈，你聽日去超級市場買瓶麥牙糖，大約十元以下，跟住吞一舊落肚，條魚骨就會連同麥牙糖一齊吞咗落肚，你可以試下，希望可以幫到你．

2007-11-28 23:53:23 補充：
細條魚骨吞落肚唔會有問題嘅，可放心．

2007-11-29 00:26:41 補充：
掂唔掂到冇關係，就算唔知條魚骨在邊個位置都可以，我試過連條魚骨都見唔到都得，你信我啦，實掂．你唔理佢，佢都會自然軟化後消失，不過可能要等成個月，有牌辛苦．

2007-11-29 09:23:06 補充：
下面位人兄唔知有冇睇清楚條題目, 都話明係條好細嘅魚骨, 大條嘅魚骨就當然要睇醫生啦.

這情況我己試過好幾次了!不過就算去doctor度又真係幫唔到你,點解?因佢都係要你擘大個口俾佢睇,睇下見唔見條魚骨囉,要見到先可以幫你攞番出嚟,但你條魚骨咁細條,佢當然係見唔到,佢一係就開啲消炎药你食,一係就叫你去照吓,若你情況嚴重,佢會叫你立刻去睇急症!所以不是$唔$問題,而係撈唔撈到嘢嘅問題,不過你也可試試睇吓我所講的啱唔啱!
飲醋是可以試試的,我所講嘅醋當然係稀釋過或果醋先可飲用啦,另外你係咪肯定魚骨真係插咗入肉,因為啲肉比魚骨刮損一定係痛,但就未必入咗肉,如肯定的話,你就照以上方法去做再加食消炎葯同止痛葯,另外盡量食D容易吞嘅嘢,以免整痛傷口位及引致發炎。
若果唔肯定魚骨是否插入肉的話,就入院照胃鏡吧!係怕魚骨會傷及身体內其它地方啫,求個安心。

首先，請你千萬不要嘗試以上咁多位熱心人o既提議，
包括：咩食麥牙糖、飲醋、等等！

其實你覺得自己哽魚骨，有可能係：
1. 真係哽咗魚骨。 或
2. 魚骨已經落咗胃，但刮損咗喉嚨，有痛，你以為條魚骨仲响度

你係咪見到條魚骨仲插往响度？如果係，請你必需抽時間去睇醫生！

如果條魚骨仲插往响度，而你又唔理佢，有機會發炎甚至變成膿瘡，
到時就唔係做胃鏡攞返出o黎咁簡單喇！

分享o下：
★我見過有人因唔理條魚骨，結果發展成膿瘡，要做手術，開條頸o黎刮清D膿，
開埋氣管造口(即係條頸開個hole)o黎呼吸，往咗2個月醫院。(100蚊日only)

★又見過有人因誤信飲醋可軟化條魚骨後吞落肚，攪到"那"爛哂條食道，
要做手術，以後都唔可以用口食o野！(我都好想知佢飲咗幾多，"那"成咁！)

★亦見過有人因以為吞飯ok，結果.. ... .... 係呀，夠飯黏到條魚骨，
仲一路好似刀咁爆條食道添！(佢後來入咗ICU，唔知佢點呢？！)


當然，仲有好多檢查完發現係「流料」！

言盡於此，睇唔睇醫生，食麥牙糖定飲醋你自己決定喇！

☆★☆ 祝你好運！ ☆★☆

如果梗魚骨唔理佢既話，佢有可能會引起發炎，到時手尾就長，所以真係最好抽時間去睇醫生，而且好快就可以將佢拔走，到時就會無事！我細細個成日梗魚骨，其實睇醫生都唔駛好多時間！

係大條骨呀!定係細條先.......
如果係細骨呢?
比d飯送入去.................
但係大條骨咁就去睇醫生...............
不過梗係最好找時間d睇醫生...................
以上只供參考................