凌志is250 同 寶馬 323i比較, 邊一架好d?

唔係太同意上面嗰位嘅講法
首先, 點解話323i同IS250唔同level呢? 如果單睇cc嘅話, 三架車都係2,500cc -- 323i同325i都係用2,497 cc, 編號N52B25嘅直六引擎, 只不過喺電腦調校上有分別, 所以323i嘅馬力同扭力比325i低.
3系嘅避震調校係同級車最好, 劈彎時唔會腳軟, 過凹凸不平路面時又可以好好過濾D震蕩. 呢兩樣嘢Lexus IS就抄極都係未抄到 -- 過彎時車身傾側較多, 條路稍為顛簸又會有坐船感覺. Handling同駕駛感真係唔及寶馬
IS250話就話有204匹, 但係都係一般日本車一樣, 踩兩腳油就覺得幾呃秤. 副V6仲算暢順, 但扭力分佈就真係麻麻, 同寶馬嘅直六引擎真係仲有一大段距離. 日本引擎可以拍得住德國車嘅, 恐怕只有豐田Supra/Aristo嘅2JZ-GTE twin turbo, 日產嘅VQ同RB26-DETT可以同日而語. 話說回頭, 323i揸上手一定唔會覺得力水同IS250差好遠. 峰值扭力較早就出現.
再講乘座感, 我都唔係好高, 5尺8左右. 但坐入去IS250較極位, 都覺會頂頭, 而且好有壓迫感; 後座好似坐單門車咁逼狹. 3系就開揚好多, 不後坐出入都方便. 唯一唔好嘅係3系個後輪拱位頂住座椅兩邊, 坐三個人嘅話, 門邊嗰兩位乘客會冇咁舒服.
咁又唔係話IS250一事無成嘅. 造工同用料就好過寶馬好多, 而亦冇寶馬咁多小毛病. 改車的話, IS嘅parts 同人工都平過BMW. Showroom嗰D sales都冇寶馬嗰D咁臭串
邊架好D, 就睇你想要乜. 希望上面嘅意見幫到你.

lei 2 架...不是同一level.....
is 250同 bmw 325i 是同一level....
性能有5同.......
is 250 有 204 匹馬力, 323i 有 177匹馬力左右(325 有 218匹馬力)
bmw 車.... 操控好.....不過.....乘坐感冇is 250 好..........
is 250 會平d.........