邊間旅行社好

如果跟團去日本的話, 最好是跟東瀛遊去. 因為東瀛遊專做日本線, 所以會比較專業, 而且d導遊及服務都唔錯. 東瀛遊的導遊每日會向團友派發小錦囊, 小錦囊上注明每天的注意事項/集合時間/天氣情況及導遊的房間號碼....等. 我次次去親日本都係跟佢的.
上個星期我參加了東瀛遊的北海道5天團, 在報團之前我亦都去了康泰及永安CHECK下佢地的價錢. 雖然康泰及永安有好多團的團費是平過東瀛遊, 不過康泰及永安有好多餐的膳食是唔包, 需要自費的. 而東瀛遊就只有一餐唔包. 計落條數東瀛遊係會抵D.


以下是我的行程供你參考:
1. 札幌市拉麵村
2. 旭川市旭山動物園 (入面有北極熊/獅子/老虎/企鵝.....的動物睇. 如果在冬天地面上的積雪夠厚的話, 動物園會放D企鵝出來, 讓企鵝四處走動及近距離接觸遊客的)
3. 登別忍者時代村
4. 上川町的層雲峽睇雪山
5. 小樽音樂城
6. 地獄谷睇火山
7. 札幌千歲機場附近的千歲OUTLET. (千歲OUTLET會在1月15日開始一連幾日舉行換季大減價, 所有貨品以超低價出售. 不過如果你去到時遇唔到換季大減價都唔緊要. 因為上星期我去到的時候, 會有個別的商店做緊特價, 我買了一對越南製造的正版NIKE波鞋, 只需港紙三百幾蚊, 會平過香港的)
8. 熊牧場睇熊人

以下係我去北海道買回來的手信供你參考:
1. 帆立貝
2. 牛奶/牛奶糖及玻璃樽裝的牛奶布甸 (北海道盛產牛奶的, D牛奶好香及好滑架)
3. 用透明膠袋真空包裝的魷魚燒. 原隻魷魚入面釀了米飯/帆立貝/海膽...等材料. 入面D飯索晒魷魚的鮮味, 魷魚的肉質亦唔會韌, 所以非常好食的. 食果陣時解開包裝袋後蒸30分鐘便可.
4. 熊牧場出品的"熊出沒注意"精品 (熊出沒注意精品有好多不同的種類以供選擇. 例如: 熊出沒注意的水杯/衫/餅乾/公仔麵/毛巾....等)
5. 長腳蟹 (買的時候話比店員知你所買的長腳蟹是帶返香港的. 他們便會用發泡膠箱幫你裝好, 箱內還會放有2包乾冰保溫的. 不過搭飛機回來時一定要寄倉(因為入面有乾冰及較剪, D兩樣物品一定要寄倉的), 所以購買時要求店員比箱頭筆比你寫番你個名及電話上去, 因為好多人會買長腳蟹回香港, 如果唔寫番你個名及電話上去的話, 好易同別人的撈亂的. 請緊記在行程最後的一至兩天才好購買及一定要買煮熟左的, 因為日本唔比生的長腳蟹出口, 煮熟左就OK.)
6. 當造的水果. 最好在最後一日買, 因為新鮮D. 如果數量多的話可要求店員用紙箱裝好才比你. 水果是可以手提上機的, 上到機後放在行李架上便可, 過關是沒有問題的.
我在11月17日出發去北海道, 11月21日才回來. D段時間可以買到以下的水果: 夕張哈密瓜, 青森蘋果, 巨峰提子....等
7. 小樽音樂城的音樂盒
8. 超滑的特濃朱古力. 小樽音樂城附近有好多朱古力店舖的, 門外會有職員負責比你試食架, 你可以試多幾間比較下佢地的味道才買.
9. 小樽郵政局旁邊的大廈二樓有一間咖啡店, 幾百YEN便可買到一杯玻璃杯裝的咖啡及一件蛋糕. 該玻璃杯是可以比你帶走做紀念的(玻璃杯有多款選擇). 你去到咖啡店後, 挑選你喜歡的杯, 然後通知站員就OK. 飲完咖啡後, 收銀處旁邊會有一個洗手盆比你洗杯的, 洗好隻杯及用毛巾抹乾後, 在洗手盆旁邊的架取一個合適SIZE的紙盒裝好隻杯便可取走架啦!
10. 日本清酒及梅酒. 小樽郵政局附近有售賣酒的專門店.
11. 乾元貝. 品質比起香港既海味舖所出售的靚好多.
12. 札幌拉麵村入面的商店出售的碗裝拉麵電話繩
13. 位於旭川市旭山動物園出售的企鵝毛公仔. D企鵝毛公仔樣子勁可愛, 送比小朋友OR女朋友一定會喜歡的.
14. 日式草餅及糕點
15. 冷帽. 由於我去到北海道時開始落雪及非常之凍, 所以買了冷帽. D冷帽最平的大約1000YEN就有交易, 而且質料及款式都唔錯及相當保暖的.
16. 到藥房買喇叭牌正露丸. 我跟果團的導遊話日本出售的喇叭牌正露丸品質好過香港的.
17, 伊藤園出的100%充實果汁. 去了日本幾日後, 由於食飯時多肉少菜的問題, 有大部份的團友都出現便秘情況. 導遊於是介紹我地去便利店買伊藤園充實果汁飲. 飲完之後的第二日早上便有得去洗手間. (但唔係肚柯果種, 是正常的排便. 所以購買後可以安心飲用) 佢係用透明膠樽裝的, 包裝紙是白色及寫住100%充實果汁, 樽蓋印有伊藤園的字樣. 果汁的顏色和紅羅白的顏色相同, 認住D幾個特徵的話, 應該不會買錯的.
18. 盒裝的味噌湯湯底, 一盒淨重1KG果隻. 當你買回來打開個蓋便發現味噌湯湯底係呈現糕狀的, 你只要用湯匙舀一些出來再放入煲湯的煲後加適量的水, 煮滾後便可飲用. 餘下的味噌湯湯底可放在雪櫃內保存, 留待下次再用. (煮味噌湯可加入日本紫菜OR海帶做配料)
19. 馬油產品 (洗頭水/沐浴露/護膚霜....等)
20. 長備炭洗頭水. 如果你的髮質是屬於油性, 洗完頭一陣D頭油好快就出番晒黎的話, 可以試下用D款洗頭水, 洗完之後個頭KEEP住好耐都仲係好爽及沒有頭油的.
21. 日本珍珠米. 買1kg便可, 如果太大包會好重的. 在日本買的珍珠米好倀過HK超級市場買的好多.
P.S.: 北海道現在買唔到白之戀人朱古力, 因為佢早一排品質出現左問題(唔記得係出售過期食品OR發現部份製成品有發霉現象), 所以現在暫停生產白之戀人的產品及所有店舖都沒有得買, 不過導遊話再過一排會重新營業及有得買.

當然係東瀛遊啦! 我參加過3次去日本玩.
另一次參加"永安", 服務,食品都差很遠.

如果跟團去日本的話, 最好是跟東瀛遊/縱橫旅遊去. 因為東瀛/縱橫遊專做日本線, 所以會比較專業, 而且d導遊及服務都唔錯. 東瀛/縱橫遊的導遊每日會向團友派發小錦囊, 小錦囊上注明每天的注意事項/集合時間/天氣情況及導遊的房間號碼....等. 我次次去親日本都係跟佢的.
下個星期5/12我參加了縱橫遊的北海道5天團, 在報團之前我亦都去了康泰及永安CHECK下佢地的價錢. 雖然康泰及永安有好多團的團費是平 不過康泰及永安有好多餐的膳食是唔包, 需要自費的. 計落條數縱橫遊係會抵D.

我覺得跟康泰好
我次次都係跟康泰
因為有一次康泰唔成團就跟佐東瀛遊，個領隊差到極，我以後唔會再跟東瀛遊，叫佢食屎

蹤橫遊及東瀛遊,佢地的日韓團十分專業,可以參考：
蹤橫遊 http://www.wwpkg.com.hk/cms/frontend.aspx
東瀛遊 http://www.egltours.com/egltours/welcome.do

農曆年去日本-北海道 ,那要看你的要求是什麼?
如要住得好d, 食得好d, 行程是玩雪為主的, 就永安比較好!價錢比較合理,
如你要看動物, 如熊和企鵝, 就東瀛遊, 但價錢比較貴d !(是四間之冠)
康泰和美麗華就一般行程和膳食, 價錢和永安相約.
我建議你最好先看看行程和住宿你較喜歡那一間, 再決定比較好!

ps 國泰直航機比較好