倉鼠發冷會吾會死!?

你指既發冷係震咁定真係摸到佢好凍?
要睇返佢因咩而發冷先知會唔會死,有以下既可能性:

A.天氣轉涼令體溫下降
野生既倉鼠其實10度or突然凍左好多都可以冬眠,但由於倉鼠被當成寵物之後,已經好少會冬眠,冬眠既能力已經好弱,所以唔可以俾冬眠呢個行為發生,唔係好易死既.當鼠鼠有好凍,呼吸好慢既情況,就要馬上令鼠鼠慢慢溫暖返(唔可以突然好熱),如果暖唔返就要盡快睇醫生了

其實放屋企入面,唔亂咁放,唔係咁易會出現冬眠既情況,n年前屯門試過2度,我住屯門既,冇暖氣,隻鼠都冇咩特別,所以唔洗太擔心.室溫唔會令人覺得太凍太熱,咁就ok了
同時用鼠專用棉,同埋用多d木糠,一般在室內,都會夠暖

籠擺放既位置要留意以下幾點:
1)要放在通風陰涼處
2)唔好電視等等好嘈既地方附近
3)唔好放在俾雨淋到既地方
4)唔好放在曬到既地方
5)唔好放在冷氣風口位
6)唔好放在太凍or太熱位置

B.打冷震
打冷震可能係感冒or凍,會唔會有風or冷氣直吹佢呢?冇咩胃口即係有食野?熱天又會食少左,呢樣較難睇得出係咪有問題
感冒可能會有鼻水,呼吸困難,唔食野唔飲水,仲會好累,甚至會流眼水,如果連同打冷震,打乞嚏既話,嚴重起唻會係肺炎

感冒同肺炎係可以致命架,一定要小心處理,係既話最好睇下醫生
但如果佢唔似感冒or你觀察唔太病既話,可以再觀察一下先既,咁就要密切留意佢既身體同排泄物,睇下只係一次打冷震定係成日,如果連續兩日已經係震既話,就最好睇下,病向淺中醫

唔會去睇又或未咁快去到既,可以做以下既野先:
1)保持周圍既環境衛生
2)唔好俾風直接吹到鼠鼠,要鼠鼠保持溫暖
3)俾一d有營養既野佢食.可以試下俾d麥片or白麵包佢
4)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.
5)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)

C.受驚
鼠鼠受驚既話都會震,留意返係咪嚇親鼠鼠or鼠鼠係新買返唻,新買既鼠頭兩日最好唔好打擾佢,唔係都易令鼠鼠受驚
同時睇返會唔會有第隻鼠同佢一籠,鼠鼠本是獨居動物,有第隻鼠一齊住都好易會受驚
搵出受驚原因再盡快加以改善,同埋要多d檢查鼠鼠身體同排泄物,受驚其實係可大可小,可能會誘發肚瀉,甩毛,濕尾症等

May be.The same things appened on me last year.Then my pet dead.
I give you a advice----You should take it to see the animal doctor!

倉鼠發冷又吾睇獸醫會死