想買銀主盤

如果你不需要做銀行按揭 , 手續簡單很多 , 因為契約不齊或是有瑕疵 , 銀行會拒絕貸款 .
財務公司, 拍賣行 , 銀行 , 所有銀主盤的買賣手續都是一樣 .
我曾經遇過同一問題 , 所以可以很清楚跟你說 , 你問補契問題 , 因為買賣所有契約要清晰, 銀主盤由買家補契 , 要每份計錢 ,我上次補了八套付了近三千, 其中有一份是財務押記補不回, 但因為銀主條文上我契約不整全也必須接受 .
契約是要補回來, 因為要確定合法交易 , 但並不是要轉名 , 所以你問的轉名手續 , 不知道是不是指正式完成交易樓宇轉名 . 就算契約不齊也能夠正式成交的 , 問題並不出在你買入 , 而是出在你將來賣出 , 因為銀主註明不齊契也要成交 , 但你賣出時買家有權不同意你的要求 , 那麼你買出時就有限制了 , 要在賣出時註明 " 如未能出示正本契約 , 以田土廳登記的副本為準 " ,買家要同意這點才能完成交易 , 否則有機會給買家踢契 .
所以基本上你買入銀主盤是可以的 , 契約方面技術上是沒有問題 .

其實買銀主盤，風險都幾大。
當你簽臨約時，好多時，有好多有規限geh條文已列入臨約內，買家當然要接受啦(如果選擇買geh話)。

例如︰
1. 好似你所講，買家自負補契，如果你買果個單位，有成廿幾三十份契，每份大概三百蚊左右，問題都唔算好大。又舉個例，通常居屋單位都係得十幾份契。但有d樓係發展商拆完又重新起過果d樓，有成幾百份契，咁條數咪好襟計。

2.a 如果有d契係屬於公家，唔單止淨係屬於你個單位，係屬於全棟大廈，如大廈公契、入伙紙、滿意紙等，當然你/你geh代表律師可以到土地註冊處補契便可，呢d由土地註冊處攞番geh 補契，我地會叫做 certified copy title deeds and documents

2b. 如果d契(例如買賣合約、樓契、按揭契等------如果呢d文件入面只係提到你個單位，)，我地會叫呢d契為(RELATE EXCLUSIVELY TO THE PROPERTY)，意思即係如果某d契只係屬於果個單位，第時你賣樓，人地律師行一定要你比original 契，如果你手頭上只係得土地註冊處攞番黎果d補契，第時人地律師行未必接受，可能要你做一份聲明書(Statutory Declaration)，要聲明你幾時做業主，點解無左d 契，當然律師行可能會就該聲明書收錢。

3. 除左契據可能有問題外，銀主盤都要留意以下幾點︰
a. 如前業主有無因為拖欠管理費，而被管理公司“釘契”。如有，釘契律師費由那一方負責？另外，解除釘契又由那一方負責？所欠之管理費由那一方負責？如果由銀行負責管理費欠費，但一路又未能與管理公司傾妥，豈不是解釘契會有排搞。
b. 如果成交日要對數(差餉、管理費、管理費按金)，但銀主通常係不會提供管理費按金單，o係呢個情況下，你要找數比銀主，但第時當你賣出時，你沒有管理費按金單，你點同下一手業主對番管理費按金呢？
c. 銀主通常好多野都唔負責，例如，佢地唔會declare 或者warrant 大廈有無潛建物，就算成交前/後，比你發現左有潛建物，銀主都未必會拆除，銀主亦未必會承諾比錢拆除？
d. 銀主亦唔會declare 或者warrant 大廈公家地方有無維修/翻新/保養，就算有，銀主亦通常唔會比錢。

在我立場，如非必要，我係唔會選擇買銀主盤。此是本人的個人立場。