有關購買股票問題

最基本你要去銀行開一個儲蓄戶口同證券戶口，開時要講埋比佢地聽要用網上理及電話買賣股票，佢地識同你做。
當然你要入錢落去儲蓄戶口，要有錢先可以買股票。
例如︰
1. 你睇中匯豐 (005) 今日 每股HK$130，匯豐一手 400股，即係要有$52,000係儲蓄戶口先得，要1手，1手買，不能散買的。
2. 每次交易都要收佣金同其他費用，政府收的同交易所收的間間一樣，但佣金同存倉就間間唔同，ICBC比較平，電話同網上處理都唔同收費。 所以除了要有$52,000 之外，仲要有錢比佢地扣，如果唔係佢地唔會接受你的落盤。
3. 有左充足的資金之後，就可以在網上或電話落指示，每間銀行的website介面都唔同，但都係入個幾樣資料，股票編號，成交數量，成交價等。
4. 如果成交，會用電郵或短訊通知你，開戶時問下拉。
5. 通常成交後兩天，會從你的儲蓄戶口扣數。
6. 如果是賣出股票，成交後亦會在兩天後將錢存入你的儲蓄戶口。