有無人可以幫下我, 好煩腦/ . \ (20分)

返左呢份新工一個月啦, 日日都係度自閉， 無人理我 ( 當正透明果隻 )
人地都要做野 ga 嘛 ！ 你又無野問， 咪以為你 ok， 唔洗睇住 …
而且你又玩自閉， 又唔熟你， 邊個夠膽撩你傾計先 ？ 費時啦 ~
一個月啫， 比多 d 時間大家， 唔好咁心急
圖片參考：http://hk.yimg.com/i/icon/16/42.gif

我應唔應該繼續做落去 ?? 而家諗起返工就好灰
應唔應該做落去， 好大因素係要睇你 ge 經濟環境。 等住開飯， 無人理你都要做落去 ga ！！
仲有， 無人理， 好過係事非堆、 好過無錢用 …
記住你嚟 e 度係做野， 唔係嚟識 friend
圖片參考：http://hk.yimg.com/i/icon/16/17.gif

唔好咁啦, 我以家返呢間公司都係咁呀, 啱啱入嚟, 無人理我, 有無人出聲講嘢, 靜到好像係圖書館咁, 悶到我死, 跟住食lunch 有係自已食, 佢哋就成班成班咁一起去食, 冇叫我, 幾慘呀....
不過後來慢慢熟小小, 咪好好多啦, 最起碼冇咗個種自閉感覺.....
不過出嚟打工係咁, 唔會有人討好你, 唔會有人錫住你, 同埋都係一個月啫, 你唔習慣, 俾多小小時間自已啦, 如果真係頂唔順, 捱到新年啦.....

個職位有無前途架?無就儲定d錢, 準備走啦~~

我公司都有d同事唔屬於任何一堆, 佢地都無辭職啦~~
有時, 可能真係唔夾架~~~ 例如: 我公司有幾個同事差唔多年紀, 佢地鍾意食煙去蒲.咁我同佢地真係唔夾喎, 就算一齊食飯都無咩好傾. 同一d唔同類既人一齊好辛苦架, 仲煩過自己一個, 又要無野搵野呢講.
又或者, 有個新同事, 我跟本唔鍾意佢.因為佢太主觀, 佢覺得我唔鍾意某個同事, 就係我唔好.因為佢只著眼於我對人態度差, 就對我態度差．　無唸過我曾經對佢既好. 所以每次搭lift 撞到, 我都係好勉強咁同佢傾計. 因為佢咁有誠意, 我唔想hurt佢． 亦由於佢曾經對我唔好, 我對佢無信心, 我唔相信佢真心想同我做朋友.

一個月只係好短時間, 不足以令人對你產生信心. 除非你連續3-4個月都有誠意, 人地就會相信你. 因為每個人都唔想受慯害.

又或者, 真係有幾個人特別衰既, 咁你咪選擇另一d人囉

你自己有冇行出過第一步先?
點會無人理你?
定係你嘅職位關係
所以無人理你
份人工好咪繼續做囉
過咗年先再揾工喇
good luck

我想最好唔好做啦, 我以前都有一份工好似你甘架, D人好衰, 你依家搵下工, 有工就見下,
搵到就走人.
祝你早日搵到新工!

1)你諗下係為乜做呢份工先,為左做野定識人
2)試下聽下佢地通常講乜話題,試下融入佢地
3)主動同佢地講野,問下d野點做等等,等熟d就問佢地點解甘對你定係你自己諗埋一邊姐
4)你鍾唔鍾意份工?我覺得你做野係for自己未來,其他野都唔係咩大問題.