有冇一d組織可以俾一大班唔識0既人一齊去旅行？

樓主既問題都幾得意，各大旅行社咪就係一啲組織俾一大班唔識既人一齊去旅行囉。其實樓主既問題係你唔想跟鴨仔團，但又唔想一個人去旅行。不過，我想提醒樓主，其實你講嗰種模式只係變相既鴨仔團，都係一班唔識既人一齊去旅行，而且某程度上仲危險，因為正式既旅旅行社有領隊，而你講嗰種就好似無領隊，去到人生路不熟既地方，有人帶當然比較好。
其實樓主應該係唔想比旅行社限定行程，但其實依家既旅行社通常都容許顧客獨立組團，甚至有一些團的路線完全由顧客決定，之後旅行社會派領隊帶隊，所以如果樓主想自己決定旅遊路線，搵三五知己去同旅行社傾會係最好既辦法。
如果樓主真係只有一個人，咁就真係無咩辦法。小弟都係一個人去旅行，除左參加旅行團同埋做獨行俠之外就無其他辦法。不過，如果你識揀，參加旅行團同做獨行俠都可以令你好滿意。首先，樓主如果想去一個地方旅行，一定要先做足功課，知道自己最想去邊，然後你就可以睇吓旅行社既團有幾接近你想去既路線，之後報最接近嗰個團就可以。各大旅行社做左咁多年，通常佢地既團都會包括左當地最有價值既景點，你去報團就可以。但係有時旅行團真係無辦法滿足你既需要，呢個就係睇你做左幾多功課既時候，你可以憑你對當地既認識同領隊傾你自己點樣唔跟大隊行，只要你能夠做到唔係太過份，領隊通常都唔會同你拗。小弟之前跟團去巴黎同埃及，去巴黎時幾乎全程無跟領隊，就係因為我對巴黎既景點都算熟悉，可以用自由行既方法遊覽。去埃及時全團本來只入中間既卡夫金字塔，但係我知胡夫金字塔最多野睇，所以我離隊獨行去參觀，得著絕對比其他團友多。之後到帝王谷，同樣全團只有我去參觀第34號既圖特摩斯三世墓。所以其實只要你做足功課，跟團一樣可以去到你想去既地方，而且全程有領隊照顧，比獨立組團可能更好。
但係有啲情況要迫住你做獨行俠，因為旅行團真係就唔到你既行程。小弟當然唔推介一個人去旅行，可以既應該至少搵一個朋友同行，有咩事都有人照應會好啲。但係如果真係想一個人去旅行，小弟也只推介去歐洲、日本、澳紐、加拿大就好，其他地方既治安都唔係太好，跟團先至係明智既選擇。

我同你一樣,
不過比你更自閉,
我完全未去過旅行,
跟旅行團好似旁觀者一樣,
看人家開心,無意思.
自遊行更加人地生疏,
試問像我這樣一個在香港生活,連離島也未曾去過的人,
怎麼能自己一個人去外國,
本身亦無朋友知己,
只能望洋興嘆而矣....