約4年前欠匯豐及渣打各約6萬,現想借錢還債

你直接打去同銀行(card centre)傾，一定有得傾。首先card centre聽電話果個實話你個file已經由另一部門管理，會轉你過去（一定係銀行內的collection department，千祈唔好同收數公司傾)，同埋銀行佢地一定開個天文數字比你，但你唔駛驚，慢慢同佢傾，不過如果你係一次過還，利息可以減多Ｄ，如果想分期還，通常唔會點減或只減少少，因為銀行要冒險你再次走數。我試過欠銀行4萬(8年-走埋數)，後來工作穩定，就想還番條數，所以自動獻身，打去銀行問條數outstanding balance，但佢地話連利息已經去到13萬，咁我同佢地講，如果條數咁大根本無能力還，我係真心想還，希望佢地可以減Ｄ利息，後來討價還價，最後以 6 萬元搞掂（不過限我一星期內入數），過期的話，此項承諾便取消。我還左 6萬之後，重請佢地出番封清數信比我，大約一星期後收到。

避得一時避唔到一世，希望你能積極面對，重展美好人生。

你已經入了黑名單，所以今後也很難再借到錢。同時，4年前的6萬元，現在可能已是20萬元了，他們一般已外判給收數公司，月供的話要與收數公司傾，說實話很難與他們溝通，一華過清還才可以跟銀傾。