生左bb之後係咪另一個人生?

生完之後當然是另一個人生；由你以往的【女兒】、【女友】身份升級到【媳婦】、【妻子】等身分。

但也不是會完全放棄你的將來、你的夢想、你的人生的！只是現時的你，一切也【暫時】以ＢＢ為先；其實你也不用太灰，ＢＢ不會纏繞你一世的，你想他也不會，你自己也不會纏繞你父母一世的。

其實你應該跟你男友好好傾談一下，做人估估吓無意思。告訴你的男友：
你想過怎樣的人生？
你想婚後的生活如何？
你想ＢＢ多大時出來社會工作？
你的夢想、你夢想中的將來。。。。

其實你的另一半有一萬元的收入，扣除租金後，如果有約七千元作家用已經很好；當然你要學懂得如何去格價，藥房、超市、街市幾頭走，什麼是必須，什麼是不須。如果你是跟奶奶住的，你奶奶如可以幫你手的話，你可以沒這麼辛苦。

唔好咁悲觀la, 你身邊有咁多人支持你, 係一件好幸福既事~!
最重要既係...你到底鍾唔鐘意BB 先?
你係驚無晒私人時間, 定係擔心自己做唔到個好媽咪先?
有BB真係好講緣份, 好多人恨都恨唔到呀, 既然個天安排比你, 你係唔係應該好好珍惜呢?
調返轉頭諗...個bb長大甩身, 你先得40歲~~仲好後生ar...!!
既然你媽咪&未來奶奶都咁支持你, 可唔可以考慮叫佢地幫手照顧BB 呢?

haha...其實我同你都差唔多,
我而家23歲, 剛剛10月先結左婚,
但係我下年2 月就做媽咪la~!!! (現在28週, 你而家幾多週ar?)

我最初知道自己有左, 我都同你一樣咁矛盾架,
但係當我睇住BB 0係我個肚裡面一日一日咁長大, 真係好開心, 生命真係好奇妙~!

妳有咗bb, 而又唔想要, 妳會唔會比較自私咗啲呢? 如果妳真係唔想要bb為何唔做足安全措施? 妳都話bb都是一個生命, 點解要放棄佢! 而且妳之前都落過一次, 下次到妳想生既時候, 可能會好難! 妳話妳要工作無人照顧bb, 只不過係一個直口, 其實唔係話無, 妳可以搵人幫妳照顧bb, 例如: 菲傭, 妳媽咪 或者 妳男朋友媽咪都可以, 已家都有好多人都係生咗bb之後工作再搵人照顧! 收入方面, 妳同妳男朋友都有責任, 唔係只靠妳男朋友收入去照顧妳同bb, 而且妳自已都有份工, 都可以分擔一些開支! 啲啲係妳個責任心問題, 每個人既生活都唔同, 到時可能妳朋友結婚亦都會過另一個生活!

其實最主要睇你鍾唔鍾意bb, 當然有時候係要取捨. 當你做咗媽媽後你的生活將充滿你的bb. 你真係無時候做其他野.

你之前已經落過一次, 如果你再落的話,你第時想再有bb可能會比較難, 你會後悔

但另一方面, 你現在生, 其實係好好的時候, 因為你bb大時你都還有氣有力, 而家d高齡產婦...三十多歲才生. 無錯..她們還有好多時候學野讀書進修,但佢地的bb出身時已五十幾歲....

有咁多人支持...點解唔生...

不過都記住要考慮同計劃好生咗之後的安排

生左bb係吾係另一個人生?我只可以話一個生命的延續。而且這個人生不如你所想的悲觀，視乎你自己點安排，點想法，生左bb可以係一個更加快樂o既人生，因為你只要望住bb長大，望住佢成長，望住佢個笑臉，就足以抵償你一切所以為o既遺憾。
無錯，依個係一個大挑戰，因為依個挑戰比起你o既計劃來得艱鉅，你事實上心底裡面係吾係怕負起責任呢?所以找藉口來逃避呢?
你o既年紀係一個適宜生bb o既年齡，生佢出來吾係一個人獨自承擔，你要同屋企人商量，計劃好，吾好將依o的疑問放o向心裡面，一味恐懼係解決吾到問題，有計劃，你就吾駛o甘驚，至於你所謂讀書進修，其實只要你有決心就一定可以做得到。
做人媽咪吾係一件簡單o既事，但亦不至於好似無o西前景，有左bb之後又係另一個局面。你要找誰傾?當然是你的男友，話比佢知，睇下佢點諗。然後再同雙方家長商量，搵人分擔一下。
做乜野事最好緊係兩全其美，但係吾係事事都得，你要權衡利害得失，邊樣對你先係最重要。
有好多人想恨有bb都吾得，錯過生育年齡，將來想有都無，後悔莫及!