昆明, 雲南, 麗江旅遊

請問跟咩團?

我上年暑假跟關x, 真係一肚火!! 都係跟中旅好好多~~

麗江古城丫, 真係很不錯的, 我地個團有3晚留在麗江, 我地就自己3晚都去麗江古城逛~

玉龍雪山不可錯過~ 當時我的團太過份, 上到去後只比15mins行, 後尾講到30mins, 但我地連第一個景點都去唔到, 遺憾!! (呢樣係我對關x最不滿的地方, 搭左2hr車去到玉龍雪山, 只係比15mins去行? 有冇搞錯!! 同埋點解要咁快就落返山, 原來之後安排左2~3個購物點! 唔係唔安排得, 我都知旅行團一定會有, 但可唔可以比d團友返酒店換過件衫先呢, 大部份人都濕晒身(因山上落雨), up住好易病架! 我後生女都凍到震晒!! 何況同團d老人家?! 第2日就有人病左啦!!)

藏族家訪(自費), 但我覺得要比錢的景點之中, 呢個最值得, 因為氣氛真係好好, 好熱鬧, 家訪完仲可以係門外的火堆圍住跳舞, 有人帶起氣氛, 好好玩~~

果d咩歌舞表演, 認真麻麻, 可以不必浪費金錢~~

買野呢, 買d被肩同絲巾送比女士就最岩, 果度d被肩大大條都係40蚊, 又暖又舒服, 返到香港當被仔放梳化, 凍時com下都幾正~

旅行團帶你去買的所謂天珠, 千祈咪上當, 標價1萬, 然後有條友話係負責人, 話自己係香港人(實情梗係扮架啦, 你試下問下佢, 香港有幾多間大學丫拿), 所以香港同胞一折, 1000蚊一條, 當時我地全團除左我同老公之外個個都買晒, 有個師奶仲買夠2條, 本來好開心, 點知食飯後再上返車大家都變得唔開心, 原因就係佢地係地攤發現一模一樣的天珠, 只賣50, 仲要講講下變左50蚊2條...... 幾揼心呢~~

可以安心shopping的地點, 有麗江古城 (只要唔係買太貴的野就ok, 都有好多特色野賣, 唔會開價開得太離譜); 有一個唔記得咩名的城, 買野如返去發現係假的, 可送機票比你返黎換(佢係咁講架), 睇樣安全d, 雖然比外面貴, 但不至於太離譜~