禮金應該比幾多呢?應該男方支付?可以男女一齊付嗎?

第一位朋友講得對 , 應該要相方家長自己溝通.五萬蚊肯定唔係一個賣女價 , 我聽D人講 , 一般都有十萬左右.
我是女的 , 我覺得五萬蚊一d都唔過份...你嫁左過去 , 他日有左小朋友,你比外家既$$一定冇依家咁多.你只係要求五萬蚊 , 佢咁都唔比.都有D過份.
你都講得對呀 , 佢比左D$$你媽媽.D $點用關佢咩事者. 留比你細佬都係你媽媽既事 , 佢唔係咁都要管呀?他日佢比家用你 , 係問你果一個幾毫去左邊 , 你都唔好覺得好奇.
我覺得你要堅持O羅 , 如果佢愛你 , 依幾萬真係好小野.你唔好幫佢比呀 , 試驗一下佢既心都好呀.今次既五萬蚊可以睇倒好多野架.
五萬蚊試倒一個人既真心, 抵呀!

2007-11-26 15:39:16 補充：
**個POINT係 , 咩叫禮金呀 , 要你比就唔係禮金啦. 如果佢冇咁多$ ,叫你比住先都OK.遲D退番比你又唔同講法.**有好多媽媽收左D禮金咪又係用番O係你身上,所以基本上佢收$係"零"

1. 俾幾多禮金真係豐儉由人, 你應該先同媽媽商量佢想要幾多, 然後再同男朋友商量。傳統上, 禮金會在過大禮時一併俾女家, 女家會回一半或一部份禮金給男家(我媽的朋友嫁女時係咁做, 至於係唔係個個家庭都要咁做我就唔肯定)。

2. 傳統上禮金係要由男方支付, 如果男家或你男朋友係經濟方面有困難, 咁當然你可以幫佢俾一部份, 始終籌備婚禮有好多開支, 男女雙方都要一齊分擔。

3. 男方俾禮金給女方係顯示娶你的誠意, 禮金最後俾左邊個, 點樣用係女家的事, 你男朋友無權過問, 如果佢介意或者唔願意俾, 你應該要考慮一下值唔值得嫁俾佢。

恭喜你的, 其實關於呢個禮金問題, sure 係男方支付喇, 我們是中國人, 並不是印度人, 我都問過下d有經驗人士(即係結左婚), 禮金由上至5,6萬, 下至1萬都有(多少好視乎你有幾多錢), 或者唔直接比禮金, 咁就係女家唔知幾多圍的人情就比女家, 都有人咁做, 我個人認為呢d係講心啫, 而家又唔係賣女, 講就咁講, 如果經濟許多, 咁3萬我都覺得係應該, 我諗都average 啦, 起碼個屋企都養到你咁大, 呢d又無得計既,
如果個男仔唔想比咁多, 咁真係要睇下實際的經濟情況喇, 當中我好同意你的諗法, 我地係分d錢需要比, 之於對方點用,真係理唔到,
而於如果你想幫手比, 我就唔係咁建議喇, 如果無咁多餘錢, 一係就比少d, 我相你屋企都唔係貪錢, 如果你日後想比, 就當家用咁比喇,

禮金是沒定額的，傳統都係由男家支付，至於比幾多，睇吓女家有冇要酒席，圍數要得多女家就未必要咁多禮金，至於比幾多準新郎和新娘可打聽兩邊家人的意思先。我都明白你的心態，其實現今無話可否男女一齊比，最緊要大家好好商量，準備結婚時真的有很多錢要花，有很多事情要攪，難免二人意見不和，要學習溝通和體諒，嘗試平心靜氣向他解釋你的心意。其實你有冇問過你媽媽想要幾多禮金，如果少過你想比的數額，你咪自己當心意比錢給媽媽。

人情通常都係男方俾洒，你自己俾埋一份真係好難睇（對於你男朋友o黎講），我係你男朋友我唔會接受。

你都識講你呀媽好錫你細路啦，你男朋友覺得你阿媽到最後會將oD禮金俾你細路都好正常。不過我想問你細路係咪有乜問題，攪到你男朋友對你細路噤有偏見？佢o地兩個之前係咪有oD乜o野牙齒印？仲有，如果佢會拎oD錢去賭，或者做oD有遺道德o既事（希望唔好介意我咁講），你男朋友當然會擔心你阿媽會將oD錢交俾你細路啦。

至於人情俾幾多，個個人都唔同，有oD人俾五千都唔夠，有oD有錢佬俾百萬都有。不過你都要睇睇你男朋友本身係咪有米先得o架，如果扣除結婚o既其他洗費之後得o番5萬，唔通就拎洒呢5萬做人情咩？我知宜家香港oD女仔好獨立，但係我諗佢都想留多oD錢等你同埋將來oD細路仔生活好oD o麻。

禮金給予多少, 多數是自己跟母親事前議好的. 這樣, 可避免男方跟母親討價還價, 而母親亦事先心裡有數, 不會因收到的數目跟預期的少了而不高興. 不過, 因為豐儉由人, 正如婚禮花費也可以由幾萬至幾十萬, 所以實質數目多少因人而異. 不過, 我會堅持由男方支付禮金, 因為這是他作為多謝我父母把我養大的一點心意. 若男方嫌太多, 雙方又未能妥協, 我才會支付部分婚禮費用作平衡, 例如拍婚紗照, 租禮服, 化妝費用. 也許是傳統思想, 婚禮費用男女分擔可以, 但不能接受女方支付禮金. 若我支付禮金的話, 我會乾脆給錢父母作零用而不會稱之為"禮金".