幫幫我丫__!!

我想問，你話酒燉雞，定系煮雞酒？

煮雞酒嘅話，我都可以幫到你，因我都好鍾意食，我生完之後呀媽都成日煮比我食，自己學識後，都有煮嚟食．

材料包括：新鮮雞，黑糯米酒（補血活血），白背黑木耳（去惡露），紅棗（雞心棗）（補血），彊（驅風），清水等

首先將彊炒至金黃色（拍彊或切絲都得（如喜歡食彊的話，連彊一齊食更好，有驅風作用）），然後落雞炒熟，跟住落黑木耳（要浸水發大後，切絲（容易消化），紅棗（雞心棗，無核嗰隻）一齊炒，隨後在落黑糯米酒，清水比酒小一倍（視乎你喜歡濃或唔濃）一起煮四十五分鐘左右，可加盬作調味．

我諗諗吓咁做法應該都可以愛嚟燉，一樣做法，將所有材料好似以上咁做法（炒完後，再落燉樽到再燉），效果應該一樣．

係咪即係煮雞酒呀？
材料：雞一斤，木耳半両要浸軟，花生(朱豆)半斤，糯米酒/黑糯米酒一碗(如餵母乳減半)--一日五至六歺嘅 份量
step1--先將薑拍扁
step2--將雞斬件去肥膏(剝皮亦可)
step3--醃雞5-10分鐘，用油一湯匙，鹽一茶匙，生抽一茶匙，豆粉三茶匙
step--將薑爆香放入雞炒約5分鐘待表面熟再放入酒，加水(要浸過雞)，再加木耳及花生煮2-3小時即可。
*十二朝後食用