保險離職問題...

首先你要睇下你份合約係點簽。

1. 公司有冇權炒我? 如果我無違規無犯法, 公司可以咩理由炒我呢?
答︰公司有權炒什何人，只要講句你配合唔到公司的發展就得，或者其他理由都得。但要跟合約做，跟勞公法例。

2. 而家我每月有三千蚊津貼, 如果我離職, 公司有冇權問我追返之前既津貼錢? 如果係佢炒我, 又可唔可以追返?
答︰呢樣真係要睇合約。我知道有d保險公司係最初幾個月會比d津貼新人，但會講明在日後的回佣中扣翻，即係出住比你先，如果是這樣的，無論你係自己走定公司炒你，公司有權向你追回預支了的回佣。
3. o係我離職後, 公司會唔會追返之前出左俾我既commission?
答︰又係要睇合約。如果你賣的單係冇斷單的，commission 是你的酬勞，公司係無權追的。
4. o係我離職後, 如果有任何我d 客既單斷左, 公司會唔會追返我d commission?
答︰又係要睇合約。據我知，有d單係要人客供足1-2年，agent先至可以收足 100% commission. 這類單，當agent 同人客簽好後，公司都會先出晒全部佣金給agent，但如果客人1-2年內斷供，公司會按合約的規定，追回比多左你的commission.

就算你以後唔打算做保險，都無謂博比人炒，因為做agent跟本就是打自己工，多勞加好運就會多得，而且條款又簽好晒，你主管又識得人多，無喟攪到大家以後見到面都唔開心。而且你將來會唔會做番呢行，都未知，好來好去總是好d。

1) 次次開會唔返... 無production... 你manager一定唔會留你...
2) 間間唔同... 可以暗瓦底問下你同事...
3) 通常唔會...
4) 都係通常唔會...