北極和南極的知識？

Q:為何有北極光？它如何形成？
A:極光（Polar aurora）出現於地球的高磁緯地區上空。是一種絢麗多彩的發光現象。由來自地球磁層或太陽的高能帶電粒子流（太陽風）使高層大氣分子或原子激發(或電離)而產生。另外，在太陽黑子多的時候，極光出現的頻率也大。
極光是地球周圍的一種大規模放電的過程。來自太陽的帶電粒子到達地球附近，地球磁場迫使其中一部分沿著磁場線集中到南北兩極。當他們進入極地的高層大氣時，與大氣中的原子和分子碰撞並激發，產生光芒，形成極光。
極光不只在地球上出現，太陽系內的其他一些具有磁場的行星上也有極光。
在北半球觀察到的極光稱北極光，南半球觀察到的極光稱南極光。也有科學家發現火星、木星上的極光。
極光按形態可分為：

勻光弧極光
射線式光柱極光
射線式光弧光帶極光
簾幕狀極光
極光冕
按觀測的電磁波波段分為：

光學極光
無線電極光
按激發粒子類型可分為：

電子極光
質子極光
按發生區域可分為：

極光帶極光
極蓋極光
中緯極光紅弧
Q:南極是否全年都是黑漆的？為甚麼？
A:是!因為陽光不能照射南極!
Q:北極是否全年都有陽光照射？為甚麼？
A:可以這樣說,因為太陽比較近北面!
Q:有没有地球向右傾斜的解釋？
A:沒有!要就一係話萬有引力!
Q:南／北極分別的温度是多少？
A:不知道,天天不同!
Q:(如果有)是誰發現這些的？(那位天文學家？）
A:有咩-.-"?

樓上Joker兄，查清楚至好答人，無論南極或北極都有半年係白天，半年係黑夜，唔信可以睇吓由南極不同科學站影返黎既相，你會發現有大量白天影既相。另外係南極白雪茫茫，地面反射大量太陽紫外光，如果唔帶太陽眼鏡，會有雪盲既情況出現。
關於北極光樓主可以睇Joker兄既留言。南北極既溫度係夏冬兩季分別可以好大。夏天時最高可以有攝氏4, 5度，亦唔會低過零下15度，但係冬天時南極最凍可以有零下八十幾九十度，一般都有零下四、五十度。
南北極其實係指兩個好廣大既地區，北極指北緯66.5度以上既地區，南極包括南緯66.5度以南既所有海域及整個南極洲大陸。咁大既土地唔可以話由邊個發現先，但係最先北極點同南極點既人就離我地唔算好耐。北極點首先由美國人皮爾里(Robert Edwin Peary)於1909年到達，這次探險的成功引發了另一個有趣的探險故事，就是最先到達南極點的競爭。
原來唔少人都想最先去到北極點，除左皮爾里，仲有一個叫阿蒙森(Roald Amundsen)既挪威探險家。當佢係1909年知道皮爾里成功到達北極點後，佢就立刻唔執輸鬥快去成為第一個到達南極點既人。但係同樣唔只佢一個想第一個到南極點，由英國人史葛(Scott)帶領既探險隊都想完成呢個壯舉。但係佢兩隊探險隊去既方法就好唔同，阿蒙森主要坐由狗拉既雪橇去，但史葛竟然帶住沉重既物資想行路去南極點，咁樣結局可想而知。阿蒙森比史葛早到，成為世界上第一個到達南極點既人，而且阿蒙森回程都幾輕鬆，佢自己話直情似去小學旅行。但史葛隊人就慘啦，佢地唔單止遲到，係南極點見阿蒙森留低挪威旗及好串吓既問候語，佢地仲要回程都係行路，最後筋疲力竭，仲要係回程途中遇上大風雪，最後全隊人都葬身之地係南極既無情風雪之中。後來既探險家搵番佢地既遺體、影左既相同筆記先至知道佢地既經歷。雖然史葛同佢既同僚無成為第一批到達南極點既人，但全世界都好欣賞佢地既勇氣，所以為左紀念佢同阿蒙森，依家係南極點上，由美國興建既科學站就被命名為“阿蒙森 - 史葛”站，令世人都記住佢地既非凡成就。