怎樣將經常發脾氣的人變做隨和、平易近人?

其實你會問人點可以改善自己的壞脾氣已經開始知道自己不對,只要你時時心平氣和就得啦!
因為你對別人的要求太高,任何事都希望做到十全十美,只要別人做不到你的要求便不高興發脾氣了,雖然事後你都知道自己有d小題大做想改善,但又不能容忍別人犯錯,當有少少不滿意又再發脾氣了!
我覺得希望自己變得個性隨和,平易近人,一定要相信每個人都不是有心與你作對,有意做出令你不滿的事,所以要多d用愛心對別人,你就容易原諒別人的小小無心之失了!
我們做任何事都應該想一想可不可以掉番轉頭,如果別人一樣經常向自己發脾氣又如何? 同時發了脾氣是否就能夠把不滿意的事情改善呢?
雖然有時是要指出別人的錯誤,但亦要心平氣和的解釋才能把事情改善,但如果發脾氣只會使人覺得你蠻不講理反而把事情弄壞又何必呢?
不菅是對朋友同事,抑或夫婦親人,只有多些體諒,少點挑剔,付出愛心與容忍,想到退一步海闊天空,慢慢你便可以做到心平氣和,平易近人了!

我都會係一個經常對事事不滿o既人來，對呢個世界充斥著怨氣，即係俗稱憤世嫉俗。不過我就好少大大聲話人(因為我冇咁o既膽子)，除佐見到有人做d我覺得好離譜o既事之外。講悔氣說話我都有，不過就淨係對住一個男仔先會講*但我並非鍾意佢)，我都有諗過個原因，大致係佢講o既o野有時打擊到我自信心(皆因我份人冇咩自信)。有陣時我同佢講悔氣說話，目的無非都係想令對方講一d令自己聽起來滿意o既說話(好似有點自欺欺人=w=")，
或者令佢o既想法同自己一樣。

其實悔氣說話好多時都係我o地冇經到思考而講的，別人亦都好怕聽，換轉係你，有人成日對你講悔氣說話，你都會好難頂吧？所以你要諗下，對方講d咩類型o既說話就會導致你講悔氣說話？

我舉個例，擘如呀A講：「嘩，其實你都幾唔識打扮go bo！」，呢句說話係因為對方用一個主觀o既角度去睇一人從而冇考慮到o個個人o既感受而直接表達出來o既說話，聽者可能會好唔開心咁答：「係咩...?我都唔想o架...咁點算好?」；但有d人就會好憤怒咁答：「係o架啦，我就係咁唔識打扮！犯法呀？你咁識打扮去做model囉！唔好同我講！」或者會話：「係啦，唉！咁唔識打扮！都係冇人鍾意啦！死佐去算！」。後兩句都係屬悔氣說話o既一種，前者係比較強硬，但呢兩句俾人聽落都係有點討厭的。

所以假如你係當時人，你會講邊句？你會唔會講第一句？雖然有時對方講o既說話會令你好不滿，但你要盡量學習平心靜氣咁回應對方喔。如果你係一個虛心o既人，你自然會選擇以上例子o既第一回答。不過當然，性格呢樣o野係先天20%(本性)+後天80%(環境)而培養出來的。如果你未能咁快令自己變得虛心的話，唔緊要，你就要嘗試有技巧咁講o野。好似我頭先舉o既例子中o既第一回答(「係咩...?我都唔想o架...咁點算好?」)，講呢句說話o既人或者心裡已經好不滿對方咁直接話佢，但佢就用佐呢一種比較好d既回應。唔係虛偽，呢種只係避免爭執。

其實總括來講 ，就係鍛煉你o既忍耐力，正所謂「一忍足以支百勇」，你記住呢句說話，自然就會減少大大聲同人講o野同埋講悔氣說話o既機會。

不過我覺得「隨和」同埋「平易近人」o既定義係有分別的。「平易近人」係指一個人好友善，有禮貌，熱心o既人；而「隨和」係指一個人會好易接受另一個人o既想法，好少會堅持己見，所以絕少同人產生爭執，通常呢類人唔會憤世嫉俗，好多事都冇咩所謂咁，而呢種人亦比較大方。

每人對每件事總有唔同o既睇法，對事有不滿亦係人之常情，最重要係睇你想用d咩角度去睇，你會用執著o既角度去睇？寬容o既角度去睇？負面o既角度去睇？正面o既角度去睇？用同理心企起人o地o既角度去睇？定只企起自己立場去睇？你有好多選擇．．．

咁你可以嘗試改變自己,包容他人.E個都係解決方法既其中一種來嫁,,,^^

你可以小d大聲話人
想下D野會覺左美好(解決事事不滿的問題)
.悔氣話你要想下你點解會講,,,真係唔開心?(解決講悔氣話)
如果你做到以上既野 你就唔會個個都驚左你