請各高手俾 d 意見

整件事的問題，首先要分開兩樣嘢嚟講，第一樣嘢係講錢[經濟]，第二樣嘢係講人生經驗[處世]。
先講第一樣，出外打工係人都會遇到不同程度的不快事件，而大部份人都是以啞忍的態度去接受，不去反駁又不去反斥，主要的原因也不是他們不懂得去反駁，他們而是從另一個角度去看，這就是最基本的打工原則，揾錢排第一！試想想，如果他們經鬥嘴又鬥氣，老闆又知道咗，小則ロ頭警告，大則唔使講啦。所以一般人都以啞忍，主要咪就係想揾錢啫。但係收咗工之後，返到自己屋企，唔使講更係同屋企人訴苦啦。但係屋企人咪又係果句，[揾食係咁加啦]睇開啲啦。
就係因為揾錢，因此就要有一套先決條件，1. 自己工作的入息，是否足夠應付自己所需，2. 自己的工作是否能長久的，3. 日後是否有人工加，4. 這職業對自己有無前途可言等等，作出全面性的自我入息評估，咁樣做先叫揾錢。如果樣樣都唔係，咁就要嗱嗱聲揾過另一份工囉！錢都揾唔夠仲要受佢地氣？呢啲就係經濟牌！
第ニ樣嘢就係處世，打工要受氣就係人都知啦，其實以你個例子嚟講，你可以做嘅嘢唔多，做事首先要泠靜，你都識得睇出人地嘅弱點，只係唔識點樣去破解，你上司懶吖嗎？你咪專為上司做佢唔願做嘅嘢囉，人呢就得一對手，你點做都好都係得一雙手，其實又做得幾多吖，如果你專登去為上司而去做，其它人又點敢出聲呢？其次做嚟做去咪又係果幾樣嘢，睇起嚟就好似好蝕底，奇實你唔幫上司做，你咪一樣有其它嘢要做，咁點解唔利用上司呢！
另外係呢世界上邊有話，邊個怕咗邊個吖，八婆又好衰人又好，不外都係認叻兼懶惰，而且講就天下無敵，做就無能為力。自己明白到嘅話，又何必同佢地一般見識呢？你愈同佢鬥，佢咪愈學愈精！打工之麻，又唔係打仗，使咩同佢地咁爐氣，兼大傷腦筋吖。返工咪專心做嘢兼察鞋囉，察就要察最大果個，同事啱傾咪傾兩句，唔啱傾咪少句聲當暖肚，專心做嘢啲時間都快過啲啦，識察鞋嘅話，日子耐你慌無幾會同上司反斥同事啲衰嘢咩！先面對自己啲情緒先，泠靜啲諗清諗楚，打工係為咗點咩先，再講吖果啲八婆就算走咗唔Do，第日咪一樣有啲九婆嚟做。
所以要面對嘅係自己，個世界係咁架喎，咩品種性格都有，邊使理人咁多吖，最重要係有糧出，同事無理取鬧，就品比老細知，根本就唔使同佢爐氣，亦無需同佢講咩道理，根本佢都以經無理取鬧，又可必比幾會佢反駁！兼傷到自己嘅尊嚴。打工仔必需學吓自私啲，又唔係同佢有咩親戚關係。我唔教你點去陰佢都以經對佢幾好啦！
講到尾都係要做，不過心境就會有所不同，不過做嘢快啲同慢啲同邊個做，改變吓呢啲嘢，得出嚟啲反應又會唔同架，自己多啲試吓用不對敵嘅心態去做嘢，自己會開心好多好多架。最後出嚟做嘢記得一句話[精人出口，笨人出手]，依家唔多啱用架啦，依家係[精人做嘢，笨人出口]！說話唔好亂講，禁撈啲！重有錢行頭！其它一切免問，爐氣都一樣都要有價值！出嚟打工點會去做啲無價值嘅嘢吖，係咪先！

唉, 講起上來, 我出來打工第一份工開始就俾衰人玩, 都唔知係唔係我唔好彩, 呢d衰人總係睇我唔順眼, 我唔去惹佢地, 佢地都會來惹我, 後生容易揾工時, 咪轉工避開囉, 但轉一份又係咁, 轉另一份又係咁, 到對上一份工我選擇忍囉, 好似你話, 年紀都開始唔細啦, 又要負擔屋企, 而且去到邊都有衰人, 公司唔炒我咪算囉, 為兩餐啫... 班衰人杯葛我, 唔幫我, 我咪自己做, 怕人講閒話, 就平時一個人食飯, 玩自閉....咁樣一忍, 居然忍了十年, 班衰人都無我符, 佢地的說話我想聽才聽, 不想聽就扮聽唔到, 屈我俾o野我做, 咪做到幾多做幾多囉, 做唔晒鬧, 咪鬧囉, 你估老細佢唔知你一個人做幾個人o野? 知嫁! 不過見你做到, 咪俾晒你做囉, 你真係做唔到o既, 佢都要揾人幫你嫁啦, 佢都唔想d 野做唔出嫁嘛! 要知道老細點衰都好, 如果佢知你真係做到野, 佢就唔敢郁你, 淨靠擦鞋仔佢唔掂嫁嘛!
不過咁, 捱還捱, 我對眼一直睇住出面, 一有好工, 即閃, 老細留我, 拜拜佢條尾. 而且我有同自己增值嫁, 而家新工做得幾好, 人地見我之前份工做咁耐, 唔會知我其實係忍氣吞聲, 只會覺得我係某大公司老臣子, 應該好掂, 唔知我咩o野料, 暫時都俾下面子, 唔會好似以前公司d人咁蝦我 (可能佢地見我份份工做唔長, 覺得我無料)
個人經驗, 唔知對你有無用.

打工仔係咁啦,處處都有呢d辦公室政治風波啦,無辦法走就只有忍氣吞聲咯!
呢個世界都係弱肉強食,點有道理講吖? 既然無本事揾第二份工,要想做下去,只好就下佢,碼住佢擦下佢鞋,等佢當你係自己友唔時時針對你而已!
人地一定係有d野唔怕你地篤佢至會咁惡死啦,所以你唔好搞咁多野對付佢咯,如果俾佢搞番你反為無得撈添!
打工都係為份人工啫,最緊要做好自己本身工作有糧出,其他人事關係唔好理咁多,話之佢邊個打邊個fd唔fd懶唔懶啫,只要人地覺得你做到野唔係白支人工就唔會咁易郁你啦!
有乜點做噃?除了工作乜都唔理就無事咯!

2007-11-26 10:01:33 補充：
人地d性格好或者衰都係唔可以由你控制喎真正頂唔順最多唔撈,何必自己咁激氣吖!,所謂到處楊梅一樣花,就萛你轉過份工都有可能有呢d情況,有呢d人嘅,所以同事之間除了傾公事之外,私人關係要保持距離就少d是非,理得佢邊個啱邊個唔啱咁多是是非非吖!以後勤力d做好自己份工就最精,話之佢邊個懶又好,分配唔公平又好,反正都係唔關你事,唔到你理,何必理人咁多閒事,搞到自己惹上麻煩呢!