(20點)眼線一問 用過好多都溶= =

1. 我本身對眼都好多淚水嫁~~之前用筆同液都會變熊貓 後尾我轉左用眼線膏 mac($125)同bobbi brown(好似係$165)都有出~~我覺得唔錯喎~~我自己覺得mac好d 我畫左成日都冇化~冇做熊貓 如果你係要畫內眼線~又唔怕貴既 可以買bobbi brown出個支轉用掃~好似叫精細眼線掃($165) 分長柄同短柄 價錢一樣~ 如果覺得貴~你就可以搵d軟身少少同細支既眼影掃~~都ok嫁...用法係拉起少少眼皮 慢慢畫上去囉~~畫完一次 覺得唔夠深 可以再畫~~好快就乾~~唔錯嫁

2. 我冇用過你講個隻~不過我個人覺得眼線液需要較長時間去乾~~會麻煩d囉

3. 其實本身內眼線位比較濕 當然比較難畫啦

4. 其實如果你話你皮膚比較油~~我建議你用落妝水~有幾隻都唔錯既~~我個人推薦bioderma ($198) 有時萬寧會有8折 幾好用~~又唔油~仲落得好乾淨 連眼位都可以用~~如果only for眼妝~~例如防水眼睫毛液 有一隻唔錯~~係紙黎嫁.莎莎賣緊好似40蚊..我唔記得左個名~~佢係圓柱型 50張 一張都可以落哂一隻眼 幾好用 又方便

5. 搽個時當然就係要zz咁搽啦~~我自己之前都有買睫毛梳~不過因為太幼啦 好難洗~~感覺好多細菌..朋友就叫我試下用牙籤 又平又方便 又易搵到~~不過用個時就要小心d囉~~

6. dhc個隻 我有次睇報紙話佢含菌超標150倍~~唔好用~其實如果脫落問題嚴重 會唔會係你落妝手法唔岩呢~~卸眼妝個時 一定要向下抹~要輕力d~~唔好見佢唔乾淨就勁大力 按一陣再抹就ok啦~~另如果你本身已經脫落左好多..可以用一隻增生液啦~~叫做"double-cils eye-lite" 55蚊 好抵用~~每晚搽~~tst龍城有得賣~~

7. 會唔會係隻colour唔岩你用呀 如果本身係岩你膚色既~~你搽個時~先搽係手指~再點上眼圈位~然後用輕印既方法印到均勻 記住要用無名指~~如果唔係會有紋~用指腹既熱力~慢慢等皮膚同佢融合 如果想佢冇咁易甩~可以加少少碎粉定妝....不過就你既問題 我覺得好大可能係colour唔岩你用~~你可以去check....我估你都係用黃色系既 可以考慮用粉紅色系丫~可能會好d

我唔係好專業 不過全部都係個人心得~
希望我既意見可以幫到你啦!!

如果用眼線液呢..係畫完之後等佢乾乾先.
唔好一畫完就開眼...
乾左一陣之後就唔會印左上去眼皮~~~

同埋眼係出油ga..唔係出水ga~~

我個人建議用眼線筆會好d

2007-12-01 19:39:12 補充：
眼線gel都ok ga ~~ beautytech 個隻眼線筆ok ga~ 又防水又有得擦鬆佢~

1. 會唔會係你條眼線畫錯位呢?~ 其實眼線唔係畫係眼皮~而係眼睫毛根部~
簡單d黎講就係填"loan""loan"~畫ge時候好似有d阻住就o岩嫁啦~
開頭會唔慣嫁~慢慢就ok嫁啦~ 仲有呀~可以試下好似科學毛筆個隻眼線筆~
容易控制d嫁~畫上眼線唔好咁粗就無咁易印到上去嫁啦~(我都內雙嫁~)
仲有呀~唔知你有無戴con呢?~ 戴con唔好畫內眼線嫁~容易細菌感染~
等佢乾左先貶眼都係好d嫁~無咁易印到周圍都係~

2. 兩隻都無試過耶~不過聽朋友講fasio都幾好用~
極油性皮膚可以做多d保濕呀~咁樣會無咁油嫁~治標不如治本嘛~

3.眼線液比眼線筆更易上色嫁~(對我黎講~)多d練習就得嫁啦~
同埋大膽d畫落去就ok嫁啦

4.我用緊maybelline都ok嫁~按佢一陣~抹兩三次就ok啦~

5.睫毛液支掃都有好大關係嫁~ 我自己就唔係咁鐘意clinique~覺得佢支掃好易黏埋一齊~
lancome同HR就好好多~ 用掃當然得啦~不過要快手~

6.好少用dhc唷~=]

7.其實遮瑕膏尤其是遮黑眼圈ge最好用比皮膚深一層色ge~
因為自己膚色撞黑色好易變灰~
你可以買ge時候叫d姐姐幫你試下呀~
佢地可以幫你搵d o岩ge顏色嫁~

希望幫到你啦~