起初 (講緊係幾年前)，我只係覺得佢幾靚，後來可能每日都見到，老套d講句：日久生情既關係，我對佢既感覺就越來越強......
但係最大既問題係，我已經有女朋友! 其實我同我女朋友既感情已經越來越差，大家都好淡，最近仲經常離離合合......
就o係早排我地分開左既時候，我嘗試去識個女仔。但係等廠車既時候會有好多同事一齊，會有d尷尬；佢每朝都會同佢阿媽 (我估係佢阿媽) 一齊，好難有機會接近。所以我選擇放工後等佢......
我等左佢好多晚，有時甚至等佢三個鐘都見唔到佢......直到有一晚，終於見佢出現。我鼓起最大既勇氣走過去同佢講野：
我：Hi，em...請問我可唔可以知你叫咩名呀?
佢：下? (可能因為當時環境太嘈，加上我又緊張到口窒窒)
我：請問我可唔可以知你叫咩名呀?
佢：可唔可以...
我：可唔可以知你叫咩名呀?
佢：(搖頭)
我：(呆左，隔左幾秒之後) 唔好意思
佢：唔緊要
跟住我就離開......
(to be continued...)
更新1:
之後我仍然每日等廠車既時候都見到佢，但係好明顯佢已經冇望我 (之前佢都叫做有時望下我架...) 佢唔望我，我連最基本同佢點頭微笑，甚至講句"早晨"都做唔到...... 我有諗過放棄，但係我話晒都叫做暗戀左佢幾年，我唔捨得......我仍然都好鍾意佢，每日都會無時無刻諗住佢...... 我好想知我而家可以點做? 有d friend叫我死心，有d friend就話我太唐突嚇親佢，叫我再試......我都好想，但係我又覺得已經俾佢拒絕左一次，我唔識點樣可以再同佢講野...... 真係好辛苦架......希望大家俾d意見啦。 Thanks a lot~
更新2:
好多謝fufu_ivying，亦係暫時唯一既意見。其實寫blog我一直都有做緊，只不過覺得如果無端端寫條link / MSN俾佢好似有d怪o者，可能我真係冇信心......
