請問秀茂坪之前係分上秀茂坪,中秀茂坪,下秀茂坪即係而家的那裏呢

秀茂坪建於六,七十年代,當時為徙置區,於九十年代中期開始清拆重建,於二000年開始入伙,大部份為最新型的和諧式設計.
而家秀茂坪經過重建之後,已經無再分上中下秀茂坪㗎喇,一律統稱秀茂坪.
如果你用以前嘅標準嚟區分的話,我都可以話比你知嘅.
以前嘅上秀茂坪,即係而家嘅秀程樓,秀賢樓,秀暉樓,秀慧樓,秀裕樓,秀景樓,秀緻樓.
以前嘅中秀茂坪,即係而家嘅秀雅樓,秀義樓,秀康樓,秀樂樓,秀華樓,秀逸樓,秀和樓,秀富樓,秀安樓,秀明樓,秀茂坪商場
以前嘅下秀茂坪,即係而家嘅曉麗苑一帶.

2007-11-28 01:30:14 補充：
寶佩苑以前係屬於雞寮嗰區,唔屬於秀茂坪,至於而家,應該納入翠屏邨範圍才對.至於寶達邨,雖然位置和秀茂坪好接近,但以前和而家都唔屬於秀茂坪嘅,請看維基百科嘅資料:"寶達邨現址本來係水泥廠，後尾香港房屋委員會要發展呢塊地。原本房委會叫佢做「寶琳路房屋發展」計劃，不過呢個名令人誤會條邨叫「寶琳路邨」，甚至將佢同寶林邨搞亂，以為呢個屋邨響將軍澳。"就係咁,所以就改名為而家嘅寶達邨喇.因此寶達邨屬於自己一個屋邨,不屬於上秀茂坪範圍.http://zh-yue.wikipedia.org/wiki/寶達邨