HD ready? Full HD?

HD訊號一般係指720p或者1080i
HD ready即係支援這兩種輸入的顯示器,但支援只代表有畫面睇到,但就未必出得到十足解像度.例如有啲LCD電視個面版係1366 x 768.唔足以顯示1080i訊既1920 x 1080解像度,佢會將輸入的訊號計翻數降低至1366 x 768之後才顯示.
至於Full HD就係除咗支援720p及1080i輸入外(多數支援埋1080p),顯示器的面版解像度本身係達到1920 x1080的,輸入1080i或1080p訊號時可以做到點對點顯示,唔駛計數.
Full HD似乎最好,但如果輸入的訊號係720p,咁佢其實都要計數,仲要係計翻大夾硬插啲像素入去.難度高過像素過多計翻細,如果部顯示器內部像素轉換線路唔好的話會好差的.這是固定像素顯示器的一個缺點.但係現今的科技都算做得唔錯.同埋買機梗係就咗隻最靚訊號先,本身唔靚既訊號由得佢唔靚囉.