點解咁唔公平?!

其實公唔公開受害人個名, 係由法庭決定. 法庭在呢個案件中考慮到嘅, 並唔係因為受害人的職業(高官), 而唔公開受害人個名. 而係考慮到案件性質及審訊公平. 例如如果受害人係一個好出名的人, 公開咗佢個名有可能因為傳媒廣汎報導及報導上的誤差 / 傳聞, 而影響到被告有機會接受唔到一個公平的審訊, 法庭就會下令不准披露受害人個名. 好例子係 "錢志明銀雞案"中的受害人A,B,C,D小姐及多年前 "黄腳雞"案中的受害人老牌司儀H先生. 佢地唔係做官, 但法庭一樣下令不准披露受害人個名.
當然, 法庭亦會考慮到公開受害人個名對受害人的影響, 所以在好多涉及16歲以下兒童的性犯罪案件中, 法庭亦一樣會下令不准披露受害人個名.
醫生向前度女友追討學費係民事案件, 不涉刑事, 民事案件贏或輸都無人要坐監 / 留案底, 亦無所謂受害人. 所以所有民事案件都唔會有 "不准披露受害人個名"呢樣野.

我都唔知個政府點樣攪, 一時一樣. 之前果個廣播處長, 因為在大陸攪
女人, 就雞啦咁大隻字, 揚到佢要辭職, 反而果個女人, 就上晒位, 聽說
仲有人搵佢拍戲. 但是, 今次就密密實實, 政府d 人都係咁架啦,
哩次都唔係偶然既事. 可能有d 人既關係攪得好, 咪o禁得住囉, 相反,
有d 人唔肯盲從附和, 於是, 一有痛腳被人抓住, 就死口唔放, 整死佢
先算數.