結婚兄弟姊妹團一問

其實兄弟或者姊妹團冇話特定要幾多人先至正確嘅, 可以視乎新郎新娘想請幾多個好朋友做, 例如: 新娘有6個好姊妹(包括伴娘), 咁新郎果邊就最好搵番6個好兄弟(包括伴郎)襯番囉.... 所以都係睇番新郎新娘自己有幾多好朋友嘅.... 我有D朋友搵4個姊妹, 4個兄弟, 1個伴娘及1個伴郎, 連埋一對新人就剛好一打(12個人); 而我當時就搵左7個姊妹, 7個兄弟, 1個伴娘及1個伴郎, 計埋我同老公就18個人嘞! 所以真係冇所謂架!!!!!

當然, 如果人數越多, 開門利是就會相對多D啦, 至於比幾多都冇特定, 不過, 多數都會攞個好意頭嘅.... 例如: 9,999 (長長久久); 1,399 (一生長久); 1,312 (一心一意); 1,388 (一生發發); 1,328 (一生易發)..... 等等, 只要你覺得有好意頭嘅意思都可以架!!

不過最後要記住.....無論你決定比幾多開門利是都好, 當姊妹團接左利是後, 記得回番一封回禮利是比新郎喎.... 例如: 你揀左比 $1,312做開門利是, 咁新郎就入 $1,320落利是封內面, 然後比姊妹, 姊妹收過利是後, 就入番 $8落回禮利是, 回比新郎, (1,320 - 8 = 1,312).....[如果新娘新郎一早已傾定數目, 都可以預先入定所有利是嘅...] 呢D係意頭野嚟架, 記住做呀!!!!!!

希望幫到你啦..... ^o^

兄弟姊妹團通常都會係一對對的，
即係好似話五個男就五個女咁law~
就唔好話單數，要一雙一對嘛~
多出的人(單數，不是一對的)就編佢地入『工作人員』唔好入兄弟姊妹團，
一般你就要考慮會有幾多架"花車"，
有番三四架四五架就可以多o的人。

大多數的人會係十對(計埋新郎新娘)~ 十全十美
兄弟姊妹團九對~ 長長久久

開門利是多數都係九百九十九。
其實無一定的。

冇分幾多人架
都冇分比幾多開門利是
開門利是係女方果邊自己決定架
當然
你想意頭好既,咪999 or 9999 (比得起既話 - -)
但的確冇分幾多人
當然人數越多
開門利是就會越多 (除非女方果邊唔要咁多)