✔ 最佳答案
請問你有塵的意思係指邊度有塵?係咪由觀景窗望入去有塵?如果係的話勸你唔駛理佢,因為佢完全唔影響相片的畫質,觀景窗只係顯示反光鏡反射上來的光線,真正拍攝時反光鏡會彈起,進入感光完件的光線不是經這條路徑的.
取景影響應該也不大,因為咁近眼睛都out focus睇唔到啦.
要整其實真係要攞翻去代理拆機整的.所以影到相就算啦,小小塵唔會咁易壞機的.
但係如果cmos上面有塵,咁喺相片上面係有機會見到的,咁就要清一清,關於清理感光完件的方法千奇百怪,有吹,有濕抺,有靜電吸,有黐,甚至乾抺,詳請可以睇以下網頁.
http://www.cleaningdigitalcameras.com/methods.html
據我經驗,其實吹己經好有效.我一直都淨係用呢個方法,因為最安全.
冇錯你收到最細光圈,影張白色紙,再用電腦放大100%去睇你係會見到有小小黑點.但係平時影相係睇唔到的.要完全冇就要用其他較危險的接觸式清潔方法.心理上係會好啲,但係唔乾淨得幾耐,冇理由要成日冒咁大險架.
就算你唔怕麻煩,攞去代理俾錢搞,佢都係同你濕抺,但唔保證做得好好.分分鐘抺完都有塵.