轉工問題及離職問題

其實我都打過工依家係僱主, 有0的嘢真係不吐不快.

我打工既時候, 只做過3份工, 第1份工果啊差老板久我12萬人工, 我唔走留底都冇用. 第2份工係因為第3份工個位外籍人未走(當時公司好細, 唔能夠容納咁多人), 所以做佐2個月之后就比挖佐過去做第3份. 我前前后后都打佐5年工, 但我打工時, 唔著重睇人工高(可能因為當時香港環境不太好, 但第3份只有4個人, 老板比我發展既空間很大), 而係呢份工可以比到我做到呢嘢, 2年展望可以到咩位, 公司可以比到咩嘢我等等, 當時簡直係開荒牛. 的確我走時公司已增加香港人手12人, 我不足2年已升到sales manager, 我幫公司賺到2間工廠番來, 2間工廠加上深圳貨倉人手超過1,500, 但可惜的是, 我人工都唔太高, 就可惡既係老板脾氣超差, 粗口不在話下, 仲要唔識尊重人以及"使死人". 我8:55分一定dayday準時係老板開會, 放工時間不定雖話朝9晚6, 但最早放工通常都係9點左右. 試過2次遲一分鐘比老細罵到pk, 8號風球我都見過2次客, 一次係下屬既單有問題, 要去解決, 11點pm掛8號我仲番到公司做到2點.

我對以上都冇問題, 可能本人當時脾氣好, 最重要既係如果你offer咁既條件比我, 我accepted佐, 我唔會吵, 呢果係我性格. 但, 我好憎0的人成日轉工, 見到第2 0的工人工好少少就諗住走, 唔理份工合適與否, 有冇嘢學到等等. 你搵工係搵一份你學到嘢(在你沒有太多工作經驗既時候) 或 有明朗前途又合適自己既工. 我當時做嘢, 份人工唔算高, 甚至比我大學同學相比都要低, 但我搵工唔係係度斗人工高. 做到2年之后, 我雖已高過很多同學, 但我最大得益係我做到一0的我想做既嘢, 証明自己真係能夠扭轉一間公司既命運. 我學到嘢, 終身授用, 如果唔係呢果細公司, 我可能要做几份不同既工先可以學齊所學既嘢.

我想講比你聽, 人工唔係你人生出來做嘢既最初因素, 你要搵到份工可以裝備到自己, 即係公司派你出去"打仗"時, 你如有81既資歷分而對方只有80分, 你多一分資歷就係羸這少少. 冇一間公司會冇佐你點唔得唔得, 雖你都有付出. 但太多次數咁轉工, 作為現在身為僱主既我, 既討厭又浪費時間同金錢, 甚至我收到一份resume列出做過11份工但佢只有22歲, 每份工都不超過1個月, 不思費解.

你要考慮清楚, 另一份除佐人工比現在呢份工好少少之外, 你有否有諗過新公司可以比到0的咩你呢例如自由度, 權力, 及前途等等, 記住, 你做好自己份內既事, 如仲要做好到110%, 冇人會話你對唔住公司, 咁你走時, 黠會對唔住公司呢?

希望可以解答你心中既疑慮 ^ ^.