我想問關於倉鼠既問題

A.倉鼠雖然有對好精靈同明亮既眼睛,但倉鼠係色盲既,只睇到黑白色,而且視力好差,仲有近視.

在自然界,倉鼠係鑽地動物,大多數活動時間都係幽暗既時間,好少會依賴視力去活動,多數係靠耳,鼻同鬚,對眼少用就慢慢退化.所以如果倉鼠既耳同鼻有咩唔舒服,又或冇左d鬚,咁就好易失去平衡而趺倒.所以有d鼠鼠盲左,只要冇細菌感染既影響,鼠鼠都好易去習慣,影響不大

B.較凍既時候鼠鼠係會訓得比較多,但有冇問題就唔一定

凍雖然係會訓得多d,但唔舒服都一樣訓得好多,所以見到鼠鼠成日訓,都唔可以只係覺得凍先咁,加上就算因為凍都唔可以忽視,凍遷or冬眠都可大可小

鼠鼠成日訓就記得多加留意鼠鼠,檢查鼠鼠身體及排泄物有冇異常,同時留意返鼠鼠夠唔夠暖

野生既倉鼠其實10度or突然凍左好多都可以冬眠,但由於倉鼠被當成寵物之後,已經好少會冬眠,冬眠既能力已經好弱,所以唔可以俾冬眠呢個行為發生,唔係好易死既.當鼠鼠有好凍,呼吸好慢既情況,就要馬上令鼠鼠慢慢溫暖返(唔可以突然好熱),如果暖唔返就要盡快睇醫生了

其實放屋企入面,唔亂咁放,唔係咁易會出現冬眠既情況,n年前屯門試過2度,我住屯門既,冇暖氣,隻鼠都冇咩特別,所以唔洗太擔心.室溫唔會令人覺得太凍太熱,咁就ok了
同時用鼠專用棉,同埋用多d木糠,一般在室內,都會夠暖

籠擺放既位置要留意以下幾點:
1)要放在通風陰涼處
2)唔好電視等等好嘈既地方附近
3)唔好放在俾雨淋到既地方
4)唔好放在曬到既地方
5)唔好放在冷氣風口位
6)唔好放在太凍or太熱位置

2007-11-24 17:37:21 補充：
你係指唔用木糠?俾鼠棉之餘最好有木糠,唔係鼠鼠既尿就易整到鼠鼠污糟,加上你用鼠棉都唔會話成個籠都係,所以兩樣都用就好d

以下提供倉鼠介紹、飼養心得、倉鼠疾病及懷孕須知資料,唔知有冇用,可以給你作參考,希望幫到你,h希望你成功啦ttp://hk.geocities.com/love_ham17/

可唔可以你做個朋友,可以的話請add我msn:[email protected]