yoki sir 請幫我分析一下中外運航運(368)前景?

我提供一些線索你自己去分析，係有少少〔陰謀論〕
圖片參考：http://hk.yimg.com/i/icon/16/19.gif
！

你記唔記得李嘉誠最近減持左咩股？

中國遠洋，南航，中海集運

其中兩隻是航運股，一隻是航空股！

咁，李嘉誠除左撈地產，能源，電訊之外，又撈邊範？

李超人係和黃（００１３）老闆，眾所周之，和黃（００１３）是全世界極具知名的港口公司，你估李超人知唔知航運這一行個環境掂唔掂？

中外運航運（３６８）又做邊科？

根據Clarkson Research的數據，以自有乾散貨船隊規模計算，集團是中國最大的船務公司之一。集團營運一支規模達34艘貨船的自有船隊，主要從事乾散貨船期租、集 裝箱船期租及原油航運服務。集團亦為集團的大部分船舶承擔技術管理，確保集團有一支能夠向客戶提供優質運輸服務的船隊。憑藉集團的母公司中國外運集團公司 於航運行業逾50年的經驗，集團已發展成為提供優質服務的具有競爭力的乾散貨船務公司。

咁佢有冇景，不如就ＣＨＥＣＫ吓波羅的海指數！

按以下直接連結：
圖片參考：http://hk.yimg.com/i/icon/16/1.gif


波羅的海乾散貨運費指數

從以上數據顯示，乾貨運費仍然是呈上升趨勢，但要注意到，油價也是在上升中，是否油價上升，引致船公司要加運費，再推高波羅的海乾散貨運費指數？

我不是航運界人仕，亦不清楚這一行的運作，但比我更加有〔知識〕的人仕，都是沽緊航運股！你估佢會唔會唔識睇波羅的海指數？

以陰謀論來想，中外運航運（３６８）母公司又點解會咁好死，仲要以那麼低的ＰＥ，在波羅的海指數高企的情況下招股，但隻股反而仲要跌破招股價？？？

我以前曾經持有過中海集運（２８６６），當時ＰＥ只是幾倍，股價＄２．６Ｘ，最後我＄２．８Ｘ走左，我走左之後，股價插至個幾，但之後跟住又吹番航運業復甦，中海集運（２８６６）升到〔BON〕〔BON〕聲！

可想而知，航運這一行是好〔周期性〕！

會唔會有人趁高出貨？？？？

大家自己唸下啦！！

YOKI WONG
圖片參考：http://hk.yimg.com/i/icon/16/1.gif






2007-11-24 09:52:17 補充：
我也知道李生係入左，但以往經驗計，差不多每隻涉及有航運，碼頭，港口成份的股票，都會預埋李生一份！所以李生入股，例牌菜也！現時股價係唔係平？見仁見智，我自己是抱觀望，我只提供客觀資料及一些別人可能想不到的另一個看法給大家參考！YOKI WONG

2007-11-25 11:52:29 補充：
中外運航運（３６８）搵埋誠哥入股，同等於係深圳開ＳＯＮＡ，搵埋啲〔公安〕入股一樣，都是想〔關照〕〔關照〕也！

請教一下, 368預埋李生, 好似半年內晤準賣, 無理由明知死都入股嘎?

呢條問題既然係問yoki sir, 而佢又一貫地詳細解答左, 入黎都只係想討論一下

yoki sir帶有少少陰謀論的回答入面提到李嘉誠旗下和黃係港口業巨頭, 佢應該都好熟悉航運股

的確佢又真係減持緊佢持有既2隻航運股

但李超人佢本身又有認購中外航

我自己係yoki sir既分析之上再(冒昧地)加少少野, 就係李超人既減持行動係覺得呢期航運股升得太多, 既然有水位就好走人, 其實佢都有良心, 好耐之前以經叫人走貨, 你係佢披露果日走, 都唔會同佢大手賣出果個價位相差好遠, 同現價有頗大既差距

而佢又入多隻航運股應該係繼續睇好呢一個行業

佢依家上市可謂生不逄市, 早多一個月, 佢應該首日升夠2成

你中左2手黎計, 你怕既應該睇下7蚊大位守唔守得住, 守唔住就走1手先

如果錢多, 大可由佢繼續擺, 因為2手只是1000股, 講緊既只係7,8千蚊資金

我唔明白點解D人會話佢P/E13-14倍, 佢打漏左個好重要既字, 是預測P/E

如果我有貨, 我最主要會睇一個位, 就係你相呢個行業08年會好過依家, 你就渣住
要記得yoki sir都有提到既周期性呀

你對佢有信念, 就渣到下年, 甚至見佢再跌多幾個價位, 預測PE低到得返10倍或以下, 你信念夠既可以再撈多轉, 又或者可以睇睇佢母公司中外運598, 佢個價都跌得好殘下, 留意一下

yoki sir提到既油價高企可能推高左baltic index, 我又學到野 :)

但你諗諗 如果油價高企, 但貨始終要運, 咁用船運一定最平, 所以話唔會油價高, 會令到航運股生意升

航運股呢排走勢非常弱'

368可以睇多兩天,一有升勢就走,若是一直不上就一定要止蝕,唔好等.

高信投資顧問環球策略員沈慶洪認為, (0368)中外運最吸引, 中外運市盈率介乎12~14倍, 相較其他航運股屬偏低水平.
沈慶洪認為炒股要獲利, 還要看供不應求關係, 中外運已綠得超額認購250倍, 不過, 若打算長線持有, 則宜密切注意波羅的海指數強勢能否持續, 加上近日長和系亦出手減持部份航運股股權, 可能反映相關股份現價偏高.
但中外運航運在定價低廉兼貨源乾, 因此傳聞長和系主席李嘉誠亦出手認購有關股份.
我都抽到一手(500股), 我會睇$12.50先放

圖片參考：http://shiehcho22.myweb.hinet.net/msn/onion/onion%20(19).gif
希望我提供的資料可幫到你. 並珍惜好問題和回答者心血, 不宜放棄或棄置問題, 令網友們從中切磋研究. 感激!!